________________
ਤੁਸੀਂ ਧਿਆਨ ਸਾਧਨਾ ਲਈ ਇੱਥੇ ਇਕੱਠੇ ਹੋਏ ਹੋ। ਧਿਆਨ ਕੀ ਹੈ? ਇਹ ਇੱਕ ਮਹੱਤਵਪੂਰਨ ਪ੍ਰਸ਼ਨ ਹੈ। ਇਸ ਪ੍ਰਸ਼ਨ ਦੇ ਹਜ਼ਾਰਾਂ ਹੀ ਉੱਤਰ ਆਪ ਨੇ ਪੜ੍ਹੇ ਅਤੇ ਸੁਣੇ ਹੋਣਗੇ। ਪੜ੍ਹਕੇ ਜਾਂ ਸੁਣਕੇ ਕਿਸੇ ਗੱਲ ਨੂੰ ਜਾਣਨਾ ਜ਼ਿਆਦਾ ਅਰਥ ਨਹੀਂ ਰੱਖਦਾ। ਪ੍ਰਯੋਗ ਰਾਹੀਂ ਜਾਂ ਖੁਦ ਜੀ ਕੇ ਹੀ ਉਸ ਗੱਲ ਨੂੰ ਜਾਣਨਾ ਮਹੱਤਵਪੂਰਨ ਹੈ। ਇਹ ਪ੍ਰਯੋਗ ਫਿਰ ਨਿੱਜੀ ਅਨੁਭਵ ਬਣ ਜਾਂਦਾ ਹੈ। ਉਸ ਵਿੱਚ ਫਿਰ ਤੁਹਾਡੀ ਆਤਮਾ ਬੋਲਦੀ ਹੈ। ਤੁਹਾਡੇ ਆਨੰਦ ਦੇ ਸ਼ਬਦ ਗੂੰਜਦੇ ਹਨ। ਇਹ ਵਿਲੱਖਣ ਸੱਚ ਹੁੰਦਾ ਹੈ।
ਇਸ ਤੋਂ ਪਹਿਲਾਂ ਕਿ ਅਸੀਂ ਧਿਆਨ ਵਿੱਚ ਪ੍ਰਵੇਸ਼ ਕਰੀਏ, ਧਿਆਨ ਦੀ ਜ਼ਰੂਰਤ ਨੂੰ ਸਮਝ ਲੈਣਾ ਜ਼ਰੂਰੀ ਹੋਵੇਗਾ। ਧਿਆਨ ਕਿਉਂ ਜ਼ਰੂਰੀ ਹੈ? ਧਿਆਨ ਇਸ ਲਈ ਜ਼ਰੂਰੀ ਹੈ ਕਿ ਉਹ ਤੁਹਾਨੂੰ ਅਪਣੇ ਆਪ ਨਾਲ ਜੋੜਦਾ ਹੈ। ਤੁਸੀਂ ਅਸਲ ਵਿੱਚ ਜੋ ਹੋ, ਸਵਰੂਪ ਹੈ ਧਿਆਨ ਰਾਹੀਂ ਤੁਸੀਂ ਉਸ ਵਿੱਚ ਸਥਾਪਿਤ ਹੁੰਦੇ ਹੋ।
ਤੁਹਾਡਾ ਜੋ
ਧਿਆਨ ਇੱਕ ਆਤਮ ਖੋਜ ਦੀ ਵਿਧੀ ਹੈ, ਇੱਕ ਸਾਧਨਾ ਹੈ, ਇਕ ਵਿਗਿਆਨ ਹੈ। ਧਿਆਨ ਦੇ ਰਾਹੀਂ ਆਤਮਾ ਦੀ ਖੋਜ ਕੀਤੀ ਜਾਂਦੀ ਹੈ। ਤੁਸੀ ਆਤਮਾ ਦੀ ਖੋਜ ਤੋਂ ਹੈਰਾਨੀ ਮਹਿਸੂਸ ਕਰ ਸਕਦੇ ਹੋ, ਕਿ ਆਤਮ ਖੋਜ ਕਿਉਂ? ਖੋਜ ਤਾਂ ਉਸ ਦੀ ਹੁੰਦੀ ਹੈ, ਜੋ ਖੋ ਗਿਆ ਹੋਵੇ ਅਸੀਂ ਤਾਂ ਸਾਹਮਣੇ ਹਾਂ। ਮੈਂ ਹਾਂ, ਇੱਥੇ ਹਾਂ, ਫੇਰ ਖੋਜ ਕਿਸ ਗੱਲ ਦੀ? ਤੁਸੀਂ ਹੋ, ਇੱਥੇ ਹੋ, ਪਰ ਤੁਸੀਂ ਹੋ ਕੌਣ? ਤੁਸੀਂ ਕਿਥੋਂ ਆਏ ਹੋ, ਕਿੱਥੇ ਜਾਣਾ ਹੈ? ਸੱਚ ਵਿੱਚ ਇਹਨਾਂ ਪ੍ਰਸ਼ਨਾ ਦੇ ਪੱਕੇ ਜਵਾਬ ਤੁਹਾਡੇ ਕੋਲ ਨਹੀਂ ਹਨ। ਜਿਸ ਨੂੰ ਤੁਸੀਂ ਅਪਣਾ ਮੰਨ ਲਿਆ ਹੈ ਉਹ ਆਪਾ ਵੀ, ਤੁਹਾਡਾ ਅਪਣਾ ਨਹੀਂ ਹੈ। ਆਪਾ ਬਹੁਤ ਹੀ ਡੂੰਘੀ ਗੱਲ ਹੈ ਆਤਮ ਤੱਤਵ ਤੱਕ ਤੁਹਾਡੀ ਪਹੁੰਚ ਨਹੀਂ ਹੈ। ਜੇ ਪਹੁੰਚ ਹੁੰਦੀ ਤਾਂ ਜੀਵਨ ਦਾ ਗੁਣ ਧਰਮ ਬਦਲ ਜਾਂਦਾ। ਬਿਨ੍ਹਾਂ ਕਾਰਨ ਆਨੰਦ ਦੇ ਬੱਦਲ ਤੁਹਾਡੇ ਉੱਪਰ ਬਰਸ ਰਹੇ ਹੁੰਦੇ।
ਆਤਮਾ ਦਾ ਸਵਰੂਪ ਹੈ ਆਨੰਤ ਆਨੰਦ, ਅਨੰਤ ਸ਼ਾਂਤੀ ਅਤੇ ਅਨੰਤ ਗਿਆਨ। ਆਨੰਦ, ਸ਼ਾਂਤੀ ਅਤੇ ਗਿਆਨ ਤੁਹਾਡਾ ਨੇੜੇ ਦਾ ਸਵਰੂਪ ਹੈ। ਆਪ ਆਨੰਦ ਸਵਰੂਪ ਹੋ, ਸ਼ਾਂਤੀ ਸਵਰੂਪ ਹੋ ਅਤੇ ਗਿਆਨਵਾਨ ਹੋ, ਅਜਿਹਾ ਹੈ ਤਾਂ ਆਤਮ ਧਿਆਨ
2
