________________
॥षष्ठोद्देशकः।। नो कप्पइ णिग्गंधाण वा णिग्गंथीण वा इमाई छ अवयणाई पदित्तए, तं जहाअलियवयणे, हीलिययणे, खिसियवयणे, फरुसवयणे, गारस्थियवयणे, विउसवियं वा पुणो उदीरित्तए ॥१॥ __कंप्पस्स छ पत्थारो पन्नत्ता, तंजहा-पाणाइवायस्स वायं वयमाणे, मुसावायस्स वायं वयमाणे, अदिन्नादाणस्स वायं वयमाणे, अविरइयावायं वयमाणे, अपुरिसवायं वयमाणे, दासवाय वयमाणे, इच्चेते छ कप्पस्त पत्यारे पत्यारेत्ता सम्म अपडिपूरेमाणे तहाणपत्ते सिया ॥२॥
णिगंथस्स य अहे पायंसि खाणू वा कंटए वां हीरए वा सक्करे वा परियावज्जेज्जा तं च णिग्गंथे नो संचाएइ नीहरित्तए वा विसोहित्तए वा तं णिग्गंथी णीहरमणी वा विसोहेमाणी वा णाइक्कमइ ॥३॥
णिग्गयस्स य अच्छिसि पाणे वा बीए वा रए वा परियावज्जेज्जा तं च णिग्गंथे नो संचाएइ णीहरित्तए वा विसोहित्तए वा तं णिग्गंथी णीहरमाणी वा विसोहेमाणी वा णाइक्कमइ ॥४॥
निग्गंथीए य अहे पायंसि खाणू वा कंटए वा हीरए वा सक्करए वा परियावज्जेज्जा, तं च णिग्गंथी णो संचाएइ णीहरित्तए वा विसोहित्तए वा तं च णिग्गंथे नीहरमाणे वा विसोहेमाणे वा णाइक्कमेइ ॥५॥
णिग्गंथीए अच्छिसि पाणे वा वीए वा रए वा परियावज्जेज्जा तं च णिग्गंथी णो संचाएइ णीहरित्तए वा विसोहित्तए वा तं च णिग्गंथे गीहरमाणे वा विसोहेमाणे वा णाइक्कमइ ॥६॥
णिग्गंथे णिग्गंथि दुग्गंसि वा विसमंसि वा पव्वयंसि वा पक्खलमाणिं वा पवडमाणिं वा गिण्हमाणे वा अवलंवमाणे वा णाइक्कमइ ॥७॥
णिग्गथे णिग्गंथि सेयंसि वा पंकसि वा पणगंसि वा उदगंसि वा ओकसमाणि वा ओवुलमाणिं वा गिण्डमाणे वा अवलंबमाणे वा णाइक्कमइ ॥८॥
णिग्गथे णिग्गंथिं णावं आरोहमाणि वा ओरोहमाणि वा गिण्हमाणे वा अवलंबमाणे वा णाइक्कमइ ॥९॥
