________________
। चउत्थो उद्देसो। तओ अणुग्धाइया पण्णत्ता तंजहा-हत्थकम्मं करेमाणे १, मेहुणं पडिसेवमाणे २, राइभोयणं भुंजमाणे ३ ॥१॥ . तओ पारंचिया पण्णत्ता, तंजहा-दुढे पारंचिए १, पमत्ते पारंचिए २, अन्नमन्नं करेमाणे पारंचिए ३ ॥२॥ . तओ अणवढप्पा पण्णत्ता, तंजहा-साहम्मियाणं तेण्णं करेमाणे १, अन्नधम्मियाणं तेणं करेमाणे २, इत्थादालं दलमाणे ३ ॥३॥
तओ नो कप्पंति पन्चावित्तए तंजहा-पंडए १, वाइए २, कीबे ३॥सू० ४ ॥ एवं मुंडावित्तए । सू० ५ ॥ सिक्खावित्तए । सू० ६॥ उवहावित्तए ॥ सू० ७॥ संभुजित्तए ॥ सू० ८॥ संवासित्तए ॥ सू० ९॥
तओ नो कप्पंति वाइत्तए, तंजहा-अविणीए, विगइपडिबढे, अविओसवियपाहडे॥ तओ कप्पंति वाइत्तए, तंजहा-विणीए, नोविगइपडिबद्धे, विओसवियपाहुडे ॥११॥ तो दुस्सन्नप्पा पण्णत्ता, तंजहा-दुढे, मूढे, बुग्गहिए ॥ १२ ॥ तओ सुसण्णप्पा पण्णत्ता, तंजहा-अदुद्दे, अमूढे, अव्वुग्गहिए ॥१३॥
निगंथिं च णं गिलायमाणि पिया वा भाया वा पुत्तो वा पलिस्सएज्जा तं च निग्गंथी साइज्जेज्जा, मेहुणपडिसेवणपत्ता, आवज्जइ चाउम्मासियं परिहारहाणं अणुग्याइयं ॥१४॥
निग्गंथं च णं गिलायमाणं माया वा भगिणी वा धूया वा पलिस्सएज्जा, तं च निग्गथे साइज्जेज्जा मेहुणपडिसेवणपत्ते आवज्जइ चाउम्मासियं परिहारहाणं अणुग्याइयं ॥
नो कप्पइ निग्गंथाणं वा निग्गंथीणं वा असणं वा पाणं वा खाइमं वा साइमं वा पढमाए पोरिसीए पडिग्गाहित्ता पच्छिमं पोरिसिं उवाइणावित्तए, से य आहच्च उवाइणाविए सिया तं नो अप्पणा अँजिज्जा, नो अन्नेसिं, अणुप्पएज्जा, एगते बहुफामुए थंडिले पडिलेहित्ता पमज्जित्ता परिवेयव्वे सिया, तं अप्पणा मुंजमाणे अन्नेसिं वा दलमाणे आवज्जइ चाउम्मासियं परिहारहाणं उग्घाइयं ॥१६॥
नो कप्पइ निग्गंथाण वा निग्गंथीण वा असणं वा पाणं वा खाइमं वा साइमं वा परं अद्धजोयणमेराए उवाइणावित्तए, से य आहच्च उवाइणाविए सिया तं नो अप्पणा भुजिज्जा, नो अन्नेसिं अणुप्पएज्जा, एगते बहुफासुए थंडिले पडिलेहित्ता पमज्जित्ता परिहवेयव्वे सिया, तं अप्पणा भुंजमाणे अन्नेसि वा दलमाणे आवज्जइ चाउम्मासियं परिहारद्वाणं उग्याइयं ॥१७॥
