________________
नो कप्पइ निग्गंथाण वा निग्गंथीण वा राओ वा वियाले वा असणं वा पाणं वा खाइमं वा साइमं वा पडिग्गाहित्तए, नन्नत्य एगेणं पुवपडिलेहिएणं सेज्जासंथारएण॥४३॥
नो कप्पइ निग्गंथाण वा निग्गंधीण वा राओ वा वियाले वा वत्थं वा पडिग्गहं वा कंबलं वा पायपुंछणं वा पडिग्गाहित्तए, नन्नत्थ एगाए हरियाहडियाए, साविय परिभुत्ता वा धोया वा रत्ता वा घट्टा वा मट्ठा वा संपधूमिया वा ॥४४॥
नो कप्पइ निग्गंधाण वा, निग्गंथीण वा राओ वा, वियाले वा, अद्धाणगमणं एत्तए ॥४५॥
नो कप्पइ निग्गंधाण वा निग्गंथीण वा संखडि वा संखडिपडियाए अद्धाणगमणं एत्तए ॥४६॥
नो कप्पइ निग्गंथस्स एगाणियस्स राओ वा वियाले वा वहिया वियारभूमि वा, विहारभूमि वा निक्खमित्तए वा पविसित्तए वा । कप्पइ से अप्पविइयस्स वा अप्पतइयस्स वा, रामो वा, चियाले वा वहिया वियारभूमि वा, विहारभूमि वा निक्खमित्तए वा पविसित्तए वा ॥४७॥
नो कप्पइ निग्गंथीए एगाणियाए राओ वा वियाले वा वहिया वियारभूमि वा विहारभूमि वा निक्ख मित्तए वा पविसित्तए वा । कप्पइ से अप्पविइयाए वा अप्पतइयाए वा अप्पचउत्थीए वा राओ वा वियाले वा वहिया वियाभूमि वा विहारभूमि वा निक्खमित्तए वा पविसित्तए वा ॥४८॥
कप्पइ निग्गंधाण वा निग्गंथीण वा पुरत्थिमेण जाव अंगमगहाओ एत्तए, दक्खिणेणं जाव कोसंबीओ, पच्चत्थिमेणं जाव शृणाविसयाओ, उत्तरेणं जाव कुणालाविसयाओ एत्तए, एतावताव कप्पड़, एतावताच आरिए खेत्ते, णो से कप्पइ एत्ती वाहिं । तेण परं जत्य नाणदंसणचरित्ताई उस्सप्पंति-त्ति वेमि ॥४९॥
पढमो उदेसो समत्तो ॥१॥
