________________
एगणवीसवासपरियायस्स समणस्स णिग्गंथस्स कप्पइ दिद्विवाए नाम अंगे उदिसित्तए ॥३६॥ । वीसइवासपरियाए समणे णिग्गंथे सव्वसुयाणुवाई भवइ ॥३७॥
दसविहे वेयावच्चे पण्णत्ते तंजहा-आयरियवेयावच्चे १, उवज्झायवेयावच्चे २, थेरवेयावच्चे ३, तवस्सिंवेयावच्चे ४, सेहवेयावच्चे ५ गिलाणवेयावच्चे ६ साहम्मि. यवेयावच्चे ७ कुलवेयावच्चे ८ गणवेयावच्चे ९ संघवेयावच्चे १० ॥३८॥
'आयरियवेयावच्चं करेमाणे समणे णिग्गंथे महानिज्जरे महापज्जवसाणे भवइ । उवज्झायवेयावच्चं करेमाणे समणे णिग्गंथे महानिज्जरे महापज्जवसाणे भवइ । थेरवेयावच्चं करेमाणे समणे णिगंथे महानिज्जरे महापज्जवसाणे भवइ ॥४१॥ तवस्सिवेयावच्चं करेमाणे समणे णिग्गंथे महानिज्जरे महापज्जवसाणे भवइ ॥ सेहवेयावच्चं करेमाणे समणे निग्गथे महानिज्जरे महापज्जवसाणे भवइ ॥४३॥ 'गिलाणवेयावच्चं करेमाणे समणे णिग्गंथे महानिज्जरे महापज्जवसाणे भवइ । साहम्मियवेयावच्चं करेमाणे समणे णिग्गंथे महानिज्जरे महापज्जवसाणे भवइ । कुलवेयावच्चं करेमाणे समणे णिग्गंथे महानिज्जरे महापज्जवसाणे भवइ ॥४६॥ गणवेयावच्चं करेमाणे 'समणे णिग्गंथे महानिज्जरे महापज्जवसाणे भवइ ॥४७॥ संघवेयावच्चं करेमाणे समणे णिग्गंथे महानिज्जरे महापज्जवसाणे भवइ ॥४८॥
॥ ववहारे दसमो उद्देसो समत्तो ॥१०॥
॥ इति व्यवहारसूत्रस्य मूलपाठः समाप्तः ॥
