________________
सुन्दरबोधिनी टीका वर्ग ३ अ. ४ बहुपुत्रिकादेवी वर्णनम् ३०७
मूलम्-तएणं सा सोमा माहणी जेणेव रट्टकडे तेणेव उवागया करतल० एवं वयासी-एवं खलु भए देवाणुप्पिया ! अज्जाणं अंतिए धभ्मे निसंते, से वि य णं धम्मे इच्छिए जाव अभिरुचिए, तएणं अहं देवाणुप्पिया ! तुम्भेहिं अभगुन्नाया सुव्वयाणं अज्जाणं जाव पवइत्तए । तए णं से रहकूडे सोमं माहणिं एवं वयासीं-मा णं तुमं देवाणुप्पिए ! इदाणिं मुंडा भवित्ता जाव पवयाहि । भुंजाहि ताव देवाणुप्पिए ! मए सद्धिं विउलाई भोगभोगाइं, ततो पच्छा भुत्तभोई सुब्बयाणं अजाणं अंतिए मुंडा जाव पचयाहि । तएणं सा सोमा माहणी पहाया जाव सरीरा चेडियाचकवालपरिकिण्णा साओ गिहाओ पडिनिक्खसइ, पडिनिक्खमित्ता विभेलं संनिवेसं मज्झमज्झेणे जेणेव सुव्वयाणं अज्जाणं उवस्तए तेणेव उवागच्छइ, उवागच्छित्ता सुवयाओ अज्जाओ बंदा नमसइ, पज्जुवासइ । तएणं ताओ सुव्वयाओ अज्जाओ सोमाए माहणीए विचित्तं केवलिपपणतं धम्मं करिकहेइ, जहा जोवा वति । तएणं सा सोमा माहणी सुब्बयाणं अज्जाणं अंतिए जाव दुवालसविहं सावगधम्म पडिवज्जइ, पडिवज्जिता सुवयाओ अज्जाओ वंदइ नमसइ, बंदित्ता नमंसित्ता जालेब दिसिं पाउब्भूया तामेव दिसं पडिगया। तएणं सा सोमा माहणी समणोवासिया जाया अभिगत० जाव अप्पाणं भावे माणी विहरइ।
तएणं ताओ सुव्वयाओ अज्जाओ अण्णया कयाई बिभेलाओ संनिवेसाओ पडिनिक्खमंति, पडिनिक्खमित्ता, बहिया जणवयविहारं विहरंति ॥ ८ ॥
