Page Text
________________
२८६
निशीथस्त्रे 'पलालपीढगं वा' पलालपीठकं वा पलालमयं पीठकम् 'छगणपीढगं वा' छगणपीटकं गोमयपीठकं वा 'वेतपीढगं वा' वेत्रपीठकं वा, तत्र घेत्रं नाम लताविशेषः तेन संपादितं फलकादिकं वेत्रपीठकम् , एतादृशं पीठफलकादिम् 'परवत्थेणोच्छन्नं' परवस्त्रेणावश्छन्नम् , तत्र परो गृहस्थः श्रावकोऽश्रावको वा तस्य यद् वस्त्रम् तेन आच्छादितं पीठफलकादिकं यो भिक्षुः 'अहिटेइ' अधितिष्ठति तदुपर्युपविशति शेते त्वरवर्तनं वा करोति कारयति वा परम् स तथा 'अहिटेतं वा साइज्जइ' अधितिष्ठन्तं वा स्वदते अनुमोदते स प्रायश्चिचभागी भवति गृहस्थवस्त्रोपभोगदोपप्रसङ्गात् ॥ सू० ६॥
सूत्रम्-जे भिक्खू णिग्गंथीणं संघाडि अण्णउत्थिएण वा गारत्थिएण वा सिव्वावेइ सिव्वावेतं वा साइज्जइ ॥ सू०७॥
छाया-यो भिक्षुनिम्रन्थीनां संघाटीम् अन्ययूथिकेन वा गृहस्थेन वा सीवयति सीवयन्तं वा स्वदते स० ७॥
चूर्णी-'जे भिक्खू' इत्यादि । 'जे भिक्खू' यः कश्चित् भिक्षुः श्रमणः आचार्य उपाध्यायादिको वा 'णिग्गंथीणं' निर्ग्रन्थीनां श्रमणीनाम् 'संघार्डि' संघाटीम्-शाटिकाम् उपलक्षणत्वात् कञ्चुक्यादिकं किमपि उपकरणम् 'अण्णउत्थिएण वा अन्ययूथिकेन वा अन्यतीर्थिकेन साधुना 'गारथिएण वा' गृहस्थेन वा-श्रावकादिना 'सिव्वावेई' सीवयति-संधापयति तथा 'सिव्वावेतं वा साइज्जइ' सीवयन्तं संधापयन्तं वा स्वदते अनुमोदते स प्रायश्चित्तभागी भवति संयमविराधना आत्मविराधना च भवति । यथा-निग्रन्थी कार्यकरणेन सा प्रसन्ना मोहग्रस्ता वा साधु स्त्रीमोहे पातयतीत्यादिकारणात् संयमविराधना । मोहनस्ता सा साधोरुपरि वशीकरणचूर्णादिप्रयोगं वा करोति तेन ग्रहगृहीतो वा भवेदित्यात्मविराधना । लोके उड्डाहो वा भवेत् यदयं निर्ग्रन्थीमोहमोहितो वर्तते अवश्यमनया सहास्य कोऽपि गोप्यः संबन्धो विद्यते येन निम्रन्ध्या वनसीवनादिकं गृहस्थादिना कारयतीति साधुना निम्रन्थीसंघाट्याः सीवनं न कारयितव्यमिति भावः ॥सू० ७॥
सूत्रम्-जे भिक्खू पुढवीकायस्स वा आउकायस्स वा अगणिकायस्स वा वाउकायस्स वा वणस्सइकायस्स वा कलमायमवि समारभइ सभारभंतं वा साइज्जइ ॥ सू०८॥ . छाया-यो भिक्षुः पृथिवीकायस्य वा अप्कायस्य वा अग्निकायस्य वा वायुकायस्य वा वनस्पतिकायस्य वा कलायमात्रमपि समारभते समारभमाणं वा स्वदते ॥
| SR No. | 009348 |
| Book Title | Nishith Sutram |
| Original Sutra Author | N/A |
| Author | Ghasilal Maharaj |
| Publisher | A B Shwetambar Sthanakwasi Jain Shastroddhar Samiti |
| Publication Year | 1969 |
| Total Pages | 541 |
| Language | Hindi, Sanskrit |
| Classification | Book_Devnagari & agam_nishith |
| File Size | 32 MB |