________________
सुबोधिनी टीका. सूर्याभस्यामलकल्पास्थितभगवद्वन्दनादिकम्
मूलम्-तत्थणं समणं भगवं महावीरं जंबुद्दीवे दीवे भारहे वासे आमलकप्पाए नयरीए वहिया अंवसालवणे चेइए अहापडिरूवं उग्गहं उग्गिणिहत्ता संजमेणं तवसा अप्पाणं भावेमाणं पासइ पासित्ता हतुष्टुचित्तमाणदिए, पीइमो परमलोमणस्सिए हरिसवसविसप्पमाणहियए विकसियवरकमलणयणवयणे पयलियवरकडग
तुडियके ऊरमउडकुंडलहारविरायंतरइयवच्छे पालंवपलंघमाणघो. लंतभूलणधरे ससंभमं तुरियं चवलं सुरवरे सीहासणाओ अब्भुट्टेइ, अन्भुट्टित्ता, पायपीढाओ पच्चोरुहइ, पञ्चोरुहित्ता पाउयाओ ओमुयइ,
ओमुइत्ता एगसाडियं उत्तरासंगं करेइ करित्ता सत्तटुपयाई तित्थयराभिमुहंअणुगच्छइ, अणुगच्छित्ता वामं जाएं,अंचेइ अंचित्ता दाहिणं जाणुं धरणितलंसि निहट्ट तिखुत्तो मुद्धाणं धरणितलंसि णिवेसेड़ णिवेसित्ता इसिं पच्चन्नमेइ ईसिं पञ्चन्नमित्ता करयल तुडिय भियभुयाओ साहरइ साहरित्ता करयलपरिग्गहियं दसणहं सिरसावत्तं मत्थए अंजलिंकद्दु एवं वयासी-नमोऽत्थुणं अरिहंताणं, भगवंताणं आदिगराणं तित्थयराणं सयं संबुद्धाणं पुरिसुत्तमाणं पुरिससीहाणं पुरिसवरपुंडरीयाणं पुरिसवरगंधहत्थीणं लोगुत्तमाणं लोगनाहाणं लोगहियाणं लोगपईवाणं लोगपज्जोयगराणं अभयदयाणं चक्खुदायणं मगदयाणं सरणदयाणं जीवदयाणं वोहिदयाणंधम्मदयाणं धम्मदेसयाणं धम्मनायगोणं धम्मसारहीणं धम्मवरचाउरंतचकबहीणं दीवो ताणं सरणगई पइटाअप्पडिहयवरनाणदंसणधराणं वियदृ छ उमाणं जिणाणं जावयाणं तिण्णाणं तारयाण बुद्धाणं बोहयोणं मुत्ताणं मोयगाणं सब
