________________
प्रनापनासूत्रे सणंकुमारे, नवई छण्हं विमाणावाससहस्साणं तीसाए सामाणियसाहस्सीणं चउण्ह य तीसाए आयरक्खदेवसाहस्सीणं जाव आहेबच्चं कारेमाणे विहरइ, कहि णं भंते ! आणयपाणयाणं देवाणं पजत्तापजत्ताणं ठाणा पण्णता ? कहि णं भंते ! आणयपाणया देवा परिवसंति? गोयमा ! सहरूलारस्स कप्पस्स उप्पि सपक्खि सपडिदिलि जाव उप्पइत्ता एस्थ णं आणयपाणय नामा दुवे कप्पा पण्णत्ता, पाईण पडीणायया उदीणदाहिणविच्छिण्णा, अटचंद संठाणसंठिया अचिमालीभासरासिप्पभा, सेसं जहा सणकुमारे जाव पडिरूवा, तत्थ णं आणय पाणयदेवाणं चत्तारि विमाणावाससया भवंतीति मक्खायं जाव पडिरूवा बडिंसगा जहा सोहम्मे कप्पे, नवरं मझे इत्थ पाणयवडिसए, ते णं वडिलगा सव्वरयणामया, अच्छा जाव पडिरूवा, एत्थ णं आणयपाणयदेवाणं पज्जत्तापजत्ताणं ठाणा पण्णता, तिसु वि लोगस्त असंखेज्जइभागे, तत्थ गं बहवे आणयपाणय देबा परिवसंति, महिडिया जाव पभासेमाणा, ते णं तत्थ साणं साणं विमाणावाससयाणं जाव विहरंति, पाणय इत्थ देविदे देवराया परिवसइ, जहा सणंकुमारे नवरं चउण्हं विमाणावाससयाणं वीसाए सामाणियसाहस्सीणं असीईए आयरकावदेवसाहस्सीणं, अन्नेसिं च बहूणं जाव विहरइ, कहि णं भंते ! आरणच्चुयाणं देवाणं पजत्तापज्जत्ताणं ठाणा पण्णत्ता ? कहिणं भंते ! आरणच्चुया देवा परिवसंति ? गोयमा ! आणयपाणयाणं कप्पाणं उप्पि सपरिख सपडिदिसिं एत्थ णं आरणच्चुया नाम दुवे कप्पा पण्णत्ता, पाईणपड़ीणायया उदीणदाहिणविच्छिण्णा अद्धचंदसंठाणसंठिया अच्चिमालीभासरासिवण्णाभा, असंखिज्जाओ जोयणकोडाकोडीओ
