________________
प्रमेयबोधिनी टीका द्वि. पद २ सू.२० सुवर्णकुमारदेवानां स्थानानि ७६३ सुवण्णकुमाराणं वत्सव्वया अणिया तहा सेसाण विच उदसण्हं * इंदाणं भाणियव्वा, नवरं अवगणाणत्तं इंदणाणतं, वण्णणाणत्तं परिहाणणाणत्तं च, इमाहि गाहाहि अणुगंत-चउसटिं असुराणं चुलसीइं चेव होंति नागाणं । बावत्तरि सुवण्णे वाउकुमाराण छन्न उई ।।१३०॥ दीव दिसा उदहीणं विज्जुकुमारिंद थणियमग्गीणं । छण्हंपि जुयलयाणं बावत्तरिमो सयसहस्सा ॥१३१॥ चउतीसा चउयाला अट्टतीसं च सयसहस्लाई। पन्ना चंत्तालीसा दाहिणओ इंति भवणाई ॥१३२॥ तीसा चत्तालीसा चउतीसं चेव सयसहस्साई । छायाला छत्तीला उत्तरी हुंति भवणाई ॥१३३॥ चउसटी सट्टी खलु छच्च सहस्साइं असुरवज्जाणं । सामाणिया उ एए चउग्गुणा आयरक्खा उ॥१३४॥ चमरे धरणे तह वेणुदेवे हरिकंते अग्गिसीहे य। पुन्ने जलकंते या अमियविलम्बे य घोसे य ॥१३५॥ बलि भूयाणंदे वेणुदालि हरिस्सहे अग्गिसाणव विसिटे। जलपह तहऽमियवाहणे पभंजणे य महाघोसे ॥१३६॥ उत्तरिल्लाणं जाव विहरंति काला असुरकुमारा नागा उदही य पंडुरा दो वि । वरकने निहसगोरा हुंति सुवण्णा दिसा थणिया ॥१३७॥ उत्तत्तकणगवन्ना विज्जू अग्गी य होंति दीवा य। सामा पियंगु वण्णा बाउकुमारा सुणेयव्वा ॥१३८॥ असुरेसु हति रत्ता सिलिंधपुप्फप्पभा य नागुदही। आसासगवसणधरा होति सुवण्णा दिसा थणिया॥१३९॥ नीलाणुरागवसणा विज्जू अग्गी य हंति दीवा य । संझाणुरागवसणा बाउकुमारा मुणेयव्वा ॥१४०॥सू० २०॥
