________________
१४०२
जीवाभिगमसूत्रे
सव्वजीवा पन्नता तं जहा सुहुमा बायरा नो सुहुमा नो वायरा । सुमेण भंते! सुहुमेति कालओ केवच्चिरं होई गोयमा । जहन्नेण अंतोमुहुतं - उक्कोसेणं असंखेज्ज कालं पुढवीकालो, बायरा जहन्नेण अंतो मुहुत्तं उक्कोसेण असखि - ज्जं काल असंखिज्जाओ उस्सप्पिणी ओ सप्पिणीओ कालओ खेत्तओ अंगुलस्स असंखिज्जइभागो नो सुहुम नो बायरए साइए अपज्जवसिए । सुहुमस्स अंतरं बायरकालो, बायरस्स अंतरं सुहुमकालो तइयस्स नो सुहुम नो वायरस अंतरं नत्थि । अप्पा बहु० सव्वत्थोवा नो सुहुमा नो बायरा अनंतगुणा । सुहुमा असंखेज्जगुणा | अहवा तिविहा सव्वजीवा पन्नत्ता तं जहा - सण्णी असण्णी नो सन्नी तो असन्नी । सन्नी णं भंते ! कालओ केवच्चिरं होइ ? जहन्नेणं अंतोमुहुतं उक्कोसेणं सागरोवमस्य पुहुत्त साइरेगं । असण्णी जहण्णेणं अंतोमुहुत्तं उक्कोसेणं वणस्सकालो | नो सन्नी नो असन्नी साइए अपजवसिए । सष्णिस्स अंतरं जहन्नेणं अंतोयुहुत्तं-उक्कोसेणं वणस्सइकालो, असण्णिस्स अंतरं जहण्णेणं अंतोमुहुत्तं - उक्कोसेणं सोगरोवमसयपुहुत्त साइरेगं । तइयस्स नत्थि अंतरं । अप्पाबहु० सव्वत्थोवा सण्णी नो सन्नी नो असण्णी अनंतगुणा असण्णी अनंतगुणा । अहवा तिविहा सबजीवा पन्नत्ता तंजहा भवसिद्धिया अभवसिद्धिया नो भवसिद्धिया नो अभवसिद्धिया, अगाइया सपजत्रसिया भवसिद्धिया, अणाइया अपजवसिया अभवसिद्धिया, साई अपजवसिया नो भवसि - द्विया नो अभवसिद्धिया । तिपि णत्थि अंतरं । अप्पाबहु० सव्वत्थोवा अभवसिद्धिया नो भवसिद्धिया नो अभवसिद्धिया अनंतगुणा । भवसिद्धिया अनंतगुणा । अहवा तिविहा सव्वजीवा पन्नत्ता- तं जहा तसा, थावरा, नो तसा, नो थावरा |
