________________
प्रमेयद्योतिका टीका
प्र. १ शरीरादित्रयोविंशतिद्वाराणि ५९ तत्र प्रथमद्वारमधिकृत्याह-'तेसि णं भंते' इत्यादि,
मूलम्-'तेसि णं भंते ! जीवाणं कइ सरीरया पन्नत्ता ? गोयमा ! तओ सरीरा पन्नत्ता, तं जहा-ओरालिए तेयए कम्मए ३। तेसिणं भंते ! जीवाणं के महालिया सरीरोगाहणा पन्नत्ता, गोयमा ! जहन्नेणं अंगुलासंखेज्जइभागं उक्कोसेण वि अंगुलासंखेज्जइभागं! तेसि णं भंते ! जीवाणं सरीरंगा कि संघयणा पन्नत्ता गोयमा ! छेवट्टसंघयणा पन्नत्ता। तेसिणं भंते ! जीवाणं सरीरगा कि संठिया पन्नत्ता ? गोयमा ! मसूरचंदसंठिया पन्नत्ता। तेसि णं भंते ! जीवाणं कई कसाया पन्नत्ता ? गोयमा ! चत्तारि कसाया पन्नत्ता । तं जहा-कोहकसाए १, माणकसाए २, मायाकसाए ३, लोभकसाए ४) तेसि णं अंते ! जीवाणं कइ सण्णा पन्नत्ता ? गोयमा ! चत्तारि सण्णा पन्नत्ता, तं जहा-आहारसन्ना १, जाव परिग्गहसन्ना । तेसि णं भंते ! जीवाणं कइ लेस्साओ पन्नत्ताओ? गोयमा ! तिन्नि लेस्साओ पन्नत्ताओ, तं जहा-कण्हलेस्सा १ नीललेस्सा, २, काउलेस्सा ३, तेसि णं भंते ! जीवाणं कइ इंदियाइं पन्नत्ताइं? गोयमा! एगे फासिदिए पन्नते। तेसि णं भंते ! जीवाणं कइ समुग्धाया पन्नत्ता ? गोयमा ! तओ समुग्घाया पन्नत्ता, तं जहा-वेयणासमुग्घाए १, कसायसमुग्घाए २, मारणंतियसमुग्घाए ३। ते णं भंते ! जीवा के सन्नी असन्नी ? गोयमा! नो सन्नी असन्नी । ते ण भंते ! जीवा किं इत्थियवेयगा पुरिसवेयगा नपुंसगवेयगा ? गोयमा ! नो इत्थियवेयगा नो पुरिसवेयगा नपुंसगवेयगा। तेसि णं भंते !जीवाणं कइ पज्जत्तीओ पन्नत्ताओ ? गोयमा ! चत्तारि पज्जत्तीओ पन्नत्ताओ, तं जहा-आहारप
