________________
प्रमेयश्चन्द्रिका टीका श०२५ उ.३ सू०३ प्रदेशतोऽवगाहतश्च संस्थाननि० ६२५ घउप्पएसिए चउप्पएसोगाढे पन्नत्ते, उक्कोसेणं अणंतपएसिए तं घेव। तत्थ णं जे से घणचउरसे से दुविहे पन्नत्ते तं जहाओयपएसिए य जुम्मपएसिए य । तत्थ णं जे से ओयपएसिए से जहन्नणं सत्तावीसइपएसिए सत्तावीसइपएसोगाढे, उक्कोसेणं. अणंतपएसिए तहेव । तत्थ णं जे से जुम्मपएसिए से जह-" नणं अट्रपएसिए अट्ठपएसोगाढे पन्नत्ते, उक्कोसेणं अणंतपएसिए तहेव । आयए णंभंते! संठाणे कइपएसिए कइपएसोगाढे पन्नत्ते, गोयमा! आयएणं संठाणे तिविहे पन्नत्ते तं जहा-सढि आयए. पयरायए घणायए। तत्थ गंजे से सेढि आयए से दुविहे पन्नत्ते. तं जहा-ओयपएसिए य जुम्मपएसिए य। तत्थ णं, जे से ओयपएसिए से जहन्नेणं तिपएसिए तिपएसोगाढे, उक्कोसेणं अणंतपएसिए तं चैव । तत्थ णं जे से जुम्मपएसिए से जहन्नेणं दुपएसिए दुपएसोगाढे, उक्कोसेणं अणंतपएसिए तहेव । तत्थ णंजे से पयरायए से दुविहे पन्नत्ते, तं जहा-ओयपएसिए य जुम्मपएसिए य । तत्थ णं जे से ओयपएसिए से जहन्नणं पन्नरसपएसिए पन्नरसपएसोगाढे, उक्कोसेणं अणंतपएसिए अणंतपएसोगाढे तहेव । तत्थ णं जे से जुम्मपएसिए से जहन्नेणं छप्पएसिए छप्पएसोगाढे, उक्कोसेणं अणंतपएसिए तहेव । तत्थ णं जे से घणायए से दुविहे पन्नत्ते तं जहा-ओयपएसिए य जुम्मपएसिए य, तत्थ णं जे से ओयपएसिए से जहन्नेणं पणयालीसपएसिए पणयालीसपएसोगाढे, उक्कोसेणं अणंतपएसिए तहेव । तत्थ णं जे से जुम्मपएसिए से जहन्नेणं बारसपएसिए बारसपएसोगाढे उक्कोसणं अणंतपएसिए तहेव ॥सू०३॥
भ०७९
