________________
भगवतीचे एगयओ असंखेज्जपएसिए खंधे भवइ, अहवा एगे परमाणुपोग्गले, एगे संखेज्जपएसिए खंधे एगे असंखेज्जपएलिए खंधे भवइ, अहवा एगयओ परमाणुपोग्गले, एगयओ दो असंखेज्जपएसिया खंधा भवंति, अहवा एगयओ दुप्पएसिए खंधे, एगयओ दो संखेज्जपएसिया खंधा भवंति, एवं जाव, अहवा एगयओ संखेज्जपएसिए खंधे भवइ, एगयओ दो असंखेज्जपएसिया खंधा भवंति, अहवा तिन्नि असंखिज्जपएसिया खंधा भवंति। चउहा कज्जमाणे एगयओ तिन्नि परमाणुपोग्गला, एगयओ असंखेज्जपएसिए खंधे भवइ, एवं चउक्कगसंजोगो जाव दसगसंजोगो एए जहेब संखेज्जपएसियस्स नवरं असंखेज्जगं एगं अहिगं भाणियव्वं जाव अहवा दस असंखेज्जपएसियाखंधा भवंति, संखेनहा कज्जमाणे एगयो संखे. ज्जा परमाणुपोग्गला, एगयओ असंखेज्जपएलिए खंधे भवइ, अहवा एगयओ संखेज्जा दुप्पएसिया खंधा, एगयओ असंखेज्जपएसिए खंधे भवइ, एवं जाव अहवा एगयओ संखज्जा दसपएसिया खंधा, एगयओ असंखेज्जपएसिए खंधे भवइ, अहवा एगयओ संखिज्जा संखिज्जपएसिया खंधा, एगयओ असंखिज्जपएसिए खंधे, भवइ, अहवा संखेज्जा असंखेज्जपएसिया खंधा भवंति, असंखिज्जहा कज्जमाणे असंखेज्जा पर. माणुपोग्गला, भवंति। अणंताणं भंते! परमाणुपोग्गला जाव किं भवइ? गोयमा! अणंतपएसिए खंधे भवइ, से भिज्जमाणे
