________________
प्रमेगचन्द्रिका टीका श.७ उ.९ म.२ महाशिलाकण्टकसंग्रामनिरूपणम् ६८१ एयमाणत्तियं खिप्पामेव पचप्पिणह, तएणं ते कोडंबिय पुरिसा कोणिएणं रन्ना एवं वुत्ता समाणा हट्ट-तुटू जाव अंजलि कह 'एवं सामी! तहत्ति' आणाए विणएणं वयणं पडिसुणंति, पडिसुणित्ता खिप्पामेव छेयायरियोवएसमइकप्पणा-विकप्पेहि सुनिउणेहिं एवं जहा उववाइए जाव भीमें संगामियं अउज्झं उदाइं हत्थिरायं पडिकप्पंति, हय-गय-जोव सन्नाति, संनाहित्ता जेणेव कूणियस्स रन्नो तमाणत्तियं पञ्चप्पिणंति। तएणं से कुणिए राया जेणेव मजणघरं तेणेव उवागच्छइ, उवागच्छित्ता मजणघरं अणुप्पविसइ, अणुप्पविसित्ता पहाए, कयवलिकम्मे, कयकोउय-मंगल-पायच्छित्ते, सवालंकारविभूसिए, सन्नद्ध-बद्धवम्मियकवए, उप्पीलियसरासणपट्टिए, पिणद्धगेबेज-विमलवरबद्धचिंधपट्टे, गहियाउहप्पहरणे, सकोरंटमल्लदामेणं छत्तेणं धरिज्जमाणेणं चउचामरबालवीइयंगे, मंगलजयसदकयालोए, एवं जहा उववाइए जाव उवागच्छित्ता, उदाई हत्थिरायं दुरूढे । तएणं से कूणिए राया हारोत्थयसुकयरइयवच्छे जहा उववाइए जाव सेयवरचामराहिं उद्धवमाणीहिं उद्धव्वमाणीहि हय-गय-रहपवरजोहकलियाए चाउरंगिणीए सेणाए सद्धि संपरिवुडे, महयाभडचडगरविंदपरिक्खित्ते जेणेव महासिलोकंटए संगामे तेणेव उवागच्छइ, उवागच्छित्ता महासिलाकंटयं संगाम ओयाए,
