________________
૨૦૦
प्रमेयचन्द्रिका टीका श. ७ उ. १ सृ. ६ अकर्म जीवगतिस्वरूपनिरूपणम् गई पण्णाय । कहं णं भंते ! निस्संगयाए, निरंगणयाए, गइपरिणामेणं, अकम्मस्स - गई पण्णायइ ? से जहा नामए - केइ पुरिसे सुकं तुंबं निच्छिडुं, निस्वहयं आणुपुवीए परिकम्मेमाणे२ दब्भेहिय, कुसेहि य, वेढेइ, वेढेत्ता, अटूहिं महिया लेवेहिं लिंपइ, लिंपित्ता उन्हे दलय, भूइं भूइं सुकं समाणं अत्थाहमतारमपोरिसिसि उदगंसि पक्खिवेज्जा से णूणं गोयमा ! से तुबे तेसिं अटुण्हं महियालेवाणं गुरुयत्ताए, भारियत्ताए, गुरुसंभारियत्ताए सलिलतलमइवइत्तो अहे धरणितलपट्टाणे भवइ ? हंता, ? भवइ । अहे णं से तुंबे तेसिं अट्टहं महियालेवाणं परिक्खएणं धरणितलमइवइत्ता उप्प सलिलतलपइट्टाणे भवइ ? हंता, भवइ, एवं खलु गोयमा ! निस्संगयाए, निरंगणयाए, गइपरिणामेणं अकम्मस्स गई पण्णायइ । कहं णं भंते! बंधणछेदणयाए अकम्मस्स गई पण्णायइ ? गोयमा ! सेजहानामए कलसिंबलिया इवा, मुग्गसिबलिया इ वा, माससिंबलिया इवा, सिंबलिसिंबलिया इवा, एरंडमिंजिया इ वा उन्हे दिण्णा सुक्का समाणी फुडित्ता णं एगंतमंत गच्छइ, एवं खलु गोयमा ! वंधणछेयणयाए अकम्मस्स गई पण्णायइ कहं णं भंते ! निरिंधणयाए अकम्मस्स गई पण्णायइ ? गोयमा ! से जहा नामए धूमस्स इंधणविप्पमुकस्स उड़ढं वीससाए निव्वाघा एणं गई पवत्त, एवं खलु गोयमा ! निरिंधणयाए अकम्मस्स गई पण्णायइ कहं णं भंते ! पुवप्पओगेणं अकम्मस्स गई पण्णाय ? गोयमा ! सेजहानामए कंडस्स कोदंडविध्यमुक्कस्स
