________________
३७६
सूत्रकृताङ्गसूत्रे
अवरेऽवि य णं तेसिं पुढवि जोणियाणं आयत्ताणं जाव कूराणं सरीरा णाणावण्या जाव मक्खायं एगोचेव आलावगो सेसा तिष्णि णत्थि । अहावरं पुरखायं इहेगइया सत्ता उद्गजोणिया उद्गसंभवा जाव कम्मनियाणेणं तत्थ वुक्कमा णाणाविह जोणिएस उदयसु रुक्खत्ताए विउहंति, ते जीवा तेति णाणाविहजोणियाणं उद्गाणं सिणेहमाहारेंति, ते जीवा आहारैति पुढविसरीरं जाव संतं । अवरेऽवि य णं तेसिं उदगजोणियाणं रुक्खाणं सरीरा णाणावण्णा जाव मक्खायं । जहा पुढविजोणियाणं रुक्खाणं चत्तारि गमा अज्झारुहाण वि तहेव, तणाणं ओसहीणं हरियाणं चत्तारि आलावगा भाणियव्वा एकेके । अहावरं पुरखायं इहेगइया सत्ता उद्गजोणिया उदगसंभवा जात्र कम्मणियाणं तत्थ वुक्कमा, णाणाविहजोगिएसु उदरसु उद्गत्ताए अवगत्ताए पणगत्ताए सेवालत्ताए कलंबुगत्ताए हडताए कसेरूगत्ताए कच्छभाणियत्ताए उप्पलत्ताए पउमत्ताए कुमुयत्ताए नलिणत्ताए सुभगत्ताए सोगंधियत्ताए पोंडरिय महापोंडरित्ताए सयपत्तत्ताए सहरसपत्तत्ताए एवं कल्हारकोकणयत्ताए अरविंदत्ताए तामरसत्ताए भिसभिसमुणाल पुक्खलत्ताए पुक्खल च्छिमगत्ताए विउर्हति ते जीवा तेसि णाणाविहजोणियाणं उदगाणं सिणेहमाहारेंति, ते जीवा आहारेंति पुढवीसरीरं जाव संतं, अवरेऽवि य णं तेसिं उदगजोणियाणं उदगाणं जाव
