Page Text
________________
परिशिष्ट- ४
वत्तव्वाओ । पव्वयरातीसमाणस्स णरगगती, पुढवीसमाणस्स तिरियगती, सिगयसमाणस्स मणुयगती, उदगसमाणस्स देवगती, अकसायस्स मोक्खगती ||३१८९ ॥
८५
एमेव थंभकेयण, वत्थेसु परूवणा गतीओ य ।
मरुय अचंकारि य पंडरज्जमंगू य आहरणा ॥३१९०॥
एवं सेसा कसाया चउभेया वत्तव्वा । थंभे त्ति थंभसमाणो माणो । सो चउव्विहो अत्थि ।
सेल -ऽट्ठि- थंभदारुयलया य वंसे य मेंढ गोमुत्ती । अवलेहणि किमि कद्दम कुसुंभरागे हलिद्दा य ॥३१९१॥
चउसु कसातेसु गती, नरय तिरिय माणुसे य देवगती । उवसमह णिच्चकालं, सोग्गइमग्गं वियाणंता ॥ ३१९२॥
सेलथंभसमाणो माणो अत्थि, अट्ठिथंभसमाणो माणो अत्थि, कट्ठथंभसमाणो माणो अत्थि, तिणिसलयासमाणो माणो अत्थि । गतीतो पडिलोमं वत्तव्वातो ।
"केयणं” ते छज्जियालेवणगंडो केयणं ति भण्णति, सो य वंको तस्समा माया । अहवायत् कृतकं तं पाययसेलीए केयणं भण्णइ, कृतकं च माया । माया चउव्विहा - अवलेहणियाकेयणे, गोमुत्तियाकेयणे, घणवंसमूलसमकेयणे, मेंढसिंगकेयणे वि । गतीतो पडिलोमं वत्तव्वाओ । “वत्थे” त्ति वत्थरागसमाणो लोभो । सो चउव्विहो । हरिद्दारागसमाणो लोभो, कुसुंभरागसमाणो लोभो, कद्दमरागसमाणो लोभो, किमिरागसमाणो लोभो । गतीओ पडिलोमातो वत्तव्वाओ । इमे उदाहरणा - कोहे मरुओ, माणे अच्चंकारियभट्टा, मायाए पंडरज्जा, लोभे अज्जमंगू ॥३१९२॥ कोहे इमं -
अवहंत गोण मरुते, चउण्ह वप्पाण उक्करो उवरिं ।
छूढो मओ उवट्ठा, अतिकोवे ण देमो पच्छित्तं ॥३१९३॥
एत्थ एसेव दमगो । अधवा - एगो मरुगो, तस्स इक्को बइल्लो । सो य तं गहाय केयारे हलेण वाहेमि त्ति गतो । सो य परिस्संतो पडितो, ण तरति उट्ठेउं । ताहे तेण धिज्जातिएण हणंतेण तस्स उवरिं तुत्तगो भग्गो, तहावि ण उट्ठति । अण्णकट्ठाभावे लेगुएहिं हणिउमारद्धो, एगकेयारलेगुएहि, तहा णोट्ठितो, एवं चउण्ह केयाराण उक्करेण आहतो, णो उट्ठितो । तो तेण लेडपुओ कतो, मओ सो गोणो । ताहे सो बंभणो गोवज्झविसोहणत्थं धिज्जातियाणमुवट्ठितो । तेण जहावत्तं कहियं भणियं च तेणअज्ज वि तस्सोवरिं मे कोहो ण फिट्टति । ताहे सो धिज्जातिएहिं भणिओ-तुमं अतिक्कोही, णत्थि ते सुद्धी, ण ते च्छित्तं देमो, सव्वलोगेण वज्जितो सोऽसिलोगपडितो जातो । एवं साहुणा एरिसो कोवो ण कायव्वो । अह करेज्ज तो उदगरातीसमाणेण भवियव्वं । जो पुण पक्खिय- चाउम्मासियसंवच्छरिएसु ण उवसमति तस्स विवेगो कायव्वो, जहा धिज्जातियस्स | माणे इमं -
वणिधूयमच्छंकारिय-भट्टा अट्ठसुय मग्गतो जाया ।
चरणपडिसेव सचिवे, अणुयत्तीहिं पदाणं च ॥३१९४॥
विचिंत विकालपडिच्छणा य दाणं ण देमि णिवकहणं । खिसा णिसि णिग्गमणं, चोरा सेणावती गहणं ॥३१९५ ॥
| SR No. | 009260 |
| Book Title | Kalpniryukti |
| Original Sutra Author | Bhadrabahusuri |
| Author | Manikyashekharsuri, Vairagyarativijay |
| Publisher | Shrutbhuvan Sansodhan Kendra |
| Publication Year | 2014 |
| Total Pages | 137 |
| Language | Sanskrit, Hindi |
| Classification | Book_Devnagari & agam_kalpsutra |
| File Size | 3 MB |