________________
આપ્તવાણી
શ્રેણી-૧૪ ભાગ-૩
ખંડ
૧
આત્માતા સ્વરૂપો
-
[૧] પ્રતિષ્ઠિત આત્મા
(૧.૧)
પ્રતિષ્ઠિત આત્માનું સ્વરૂપ
‘હું ચંદુ' એ ચાર્જ પ્રતિષ્ઠિત આત્મા
પ્રશ્નકર્તા ઃ પ્રતિષ્ઠિત આત્મા એટલે શું ?
દાદાશ્રી : જ્યાં સુધી ‘હું ખુદ કોણ છું’ એ જાણે નહીં, ત્યાં સુધી જે આત્મા આપણે ગણીએ છીએ કે આ ‘ચંદુલાલ હું છું’, એ આત્મા એટલે શું ? પોતાની સેલ્ફ. પોતાની સેલ્ફની ગણતરી (શું છું, કેવો છું, કોણ છું એ માન્યતા), કે આ ‘હું ચંદુલાલ’ તે (ચાર્જ) પ્રતિષ્ઠિત આત્મા (સૂક્ષ્મતમ અહંકાર), અને આ ચંદુલાલ છે, દેહ છે, એ (ડિસ્ચાર્જ) પ્રતિષ્ઠિત આત્મા (સૂક્ષ્મતર અહંકાર) છે, પૂર્વે પ્રતિષ્ઠા કરેલી તે જ છે.
પ્રતિષ્ઠિત આત્મા એટલે જે ‘તમે’ અજ્ઞાનતાથી પ્રતિષ્ઠા કરી કે ‘હું ચંદુલાલ, હું આ બાઈનો ધણી થઉં, આનો મામો થઉં, આનો કાકો થઉં.’ એ પ્રતિષ્ઠા કર કર કરી. આ ચંદુલાલ શબ્દ નહીં જોવાનો. પણ ‘પોતે’
