Page Text
________________
દુષ્કૃત ગ કોઈની પણ ભૂલ થાય તો તેની નિંદા કરવાની ના પાડેલ છે તેથી પૂ. ગુરૂ ભગવંત કે ઉત્તમ ગૃહસ્થની કદાચ કર્માધીન ભૂલ થાય તો તે ઢાંકવી જોઈએ. તે વાત કરનારને રોકવા જોઈએ તેને બદલે મેં તેવી ભૂલ કરનાર પૂ. ગુરૂ ભગવંતને જાહેરાત કરી કરીને, ન જાણતા હોય તેમને જણાવ્યા કરીને જે અવિનય કરેલ હોય તેની હું માફી માંગું છું.
અવગુણ ઢાંકવા એટલે એવો અર્થ નથી થતો કે અવગુણ છાવરવા, પરંતુ ગંભીરતા અને સમજણ વગરના જીવો આવું સાંભળીને ધર્મ ક્રિયા, દેવ-ગુરૂ વિગેરેના દ્વેષી બની સંસારમાં દુઃખી ન થાય માટે ભૂલ કરેલ પૂ. ગુરૂ ભગવંતની વાતને ઢાંકીને સમજદાર શ્રાવકે સુધારવા પ્રયત્ન કરવાનો છે તે વાત છાપે કદિ ચડાવાય નહીં. કેમ કે કેટલાક બાળ જીવો તેનાથી બધા જ પૂ. ગુરૂ ભગવંત પ્રત્યે અભાવ, દ્વેષ, તિરસ્કારવાળા બની દુઃખમય સંસારમાં ભટકે છે અને આવી જાહેરાતો કરનાર તેનાથી મિથ્યાત્વી બની અનંત સંસારી બને છે.
પૂ. ગુરૂ ભગવંતની અનુકુળતા મુજબ વર્તવું જોઈએ. તે વાત ભૂલીને હું કહું એટલે મને વાસક્ષેપ નાખી દેવો જોઈએ, હું કહું ત્યાં ઘરમાં કે રોડ પર મને માંગલિક સંભળાવવું જોઈએ, હું મારું તે આદેશ પ્રતિક્રમણમાં મને જ દેવો જોઈએ, મારી ઈચ્છા મુજબ સાધુ-સાધ્વી ના વર્તે તો માંદા હોય તો પણ સામું ન જોવું, આવું વર્તન કરેલ હોય તેની હું માફી માંગું છું.
સમજણના અભાવમાં અથવા વ્યક્તિગત ગુરૂના રાગથી, સમુદાયના વ્યામોહથી મેં આવી કંઈપણ અવિનયની પ્રવૃત્તિ કરી, કરાવી કે અનુમોદેલ હોય તેની હું માફી માંગું છું.
(“સાધુપણામાં કરેલ ગુરૂ અવગણના”) પરમ તારક ગણધર ભગવંતોના આગમો પ્રમાણે કરવાનું હોય, સમજાવવાનું હોય તેને બદલે વાત વાતમાં મારા ગુરૂ મહારાજે આમ કીધું છે તેવું બોલીને મારા ગુરૂ મહારાજનું મહત્ત્વ વધારવામાં પૂ. ગણધર ભગવંતાદિ પૂર્વના શ્રુતજ્ઞાનીનું નામ મહત્ત્વ મેં નામશેષ કરેલ હોય તો તેની માફી માંગું છું.
પૂર્વ પુરૂષોએ બતાવેલ, પાળેલ માર્ગથી વિરૂદ્ધ પ્રરૂપણા કરીને લોકોને ઉન્માર્ગે ચડાવેલ હોય.... હું કહું છું તે જ શાસ્ત્ર પ્રમાણે છે તેમ જણાવી બીજા સાધુ
| SR No. | 009213 |
| Book Title | Jivan Jagruti Yane Samadhi Maran |
| Original Sutra Author | N/A |
| Author | Hemant Hasmukhbhai Parikh |
| Publisher | Hemant Hasmukhbhai Parikh |
| Publication Year | 2015 |
| Total Pages | 176 |
| Language | Gujarati |
| Classification | Book_Gujarati |
| File Size | 1 MB |