Jivan Jagruti Yane Samadhi Maran

SR No.: 009213
Original Sutra Author: N/A
Author: Hemant Hasmukhbhai Parikh
Publisher: Hemant Hasmukhbhai Parikh
Publication Year: 2015
Total Pages: 176
Language: Gujarati
Classification: Book_Gujarati
File Size: 1 MB

Page 65

સમાધિ મરણ
કરવાનું હોય તેને બદલે મેં હુકમ કરેલ હોય કે આજે પખીસૂત્ર અમુક જ સાધ્વીએ બોલવાનું, પ્રતિક્રમણ અમુક જ સાધ્વીજીએ ભણાવવાનું, સક્ઝાય અમુક જ સાધ્વી બોલે, આવી મેં જોહુકમી કરી, કરાવી કે અનુમોદેલ હોય તેની હું માફી માંગું છું.
મારા હાથમાં સત્તા હોય, અગર મારું સ્થાનિક સંઘમાં લોકો માનતા હોય તેનો મેં દુરુપયોગ કરેલ હોય, આવેલા પૂ. સાધુ-સાધ્વી જોડે મતભેદ પડે કે મારું ધાર્યું ન થાય ત્યારે આવેલા પૂ. સાધુ-સાધ્વી જે કાંઈ આરાધનાદિ કરાવે તેમાં વાંધા વિરોધ કાઢીને આરાધના કરતા જીવોને અટકાવેલ હોય, તે પૂ. સાધુ-સાધ્વી પ્રત્યે લોકોને બહુમાન થતું અટકાવેલ હોય, સાચું છે તે સમજવા છતાં તે પૂ. સાધુસાધ્વી પ્રત્યેના દ્વેષને કારણે તેમનું કીધેલ ન કરેલ હોય, તેમના કહેવાથી ઉંધું કરેલ હોય તેની હું માફી માંગું છું.
હું કોઈ પૂ. સાધુ કે સાધ્વી પ્રત્યે વ્યક્તિ રાગી કે સમુદાય રાગી બનેલ હોઉં પછી બીજા સમુદાયના પૂ.સાધુ કે સાધ્વી આવે ત્યારે તેમને જશ ન મળે તેવી વાતો ફેલાવેલી હોય. તેઓ જણાવે તે આરાધનાઓ ન થવા દીધી હોય, કોઈપણ રીતે તેમને સંઘમાં અળખામણા કરેલ હોય તેની હું માફી માંગું છું.
મારા પરમાત્માના બધા જ પૂ. સાધુ-સાધ્વી મારા છે એમ માનીને ભક્તિ કરવાને બદલે કોઈ એક ચોક્કસ ગુરૂ કે તેની ટુકડી કે તેનો સમુદાય કે તેનો ગચ્છ જ સાચો બાકીના ખોટા એમ માનીને પોતે માનેલાની ભક્તિ કરી હોય અને બીજાનો તિરસ્કાર, ઉપેક્ષા કરેલા હોય તેની હું માફી માંગું છું.
ચોક્કસ ગુરૂના વ્યક્તિરાગ કે દૃષ્ટિરાગના કારણે માનેલા ગુરૂ કે તેના સમુદાયના પૂ.સાધુ-સાધ્વીના દોષો ગુણરૂપે માનેલ-મનાવેલ હોય, તે સિવાયના સમુદાયના પૂ.સાધુ-સાધ્વીના ગુણ પણ દોષરૂપે માનેલ-મનાવેલ હોય તેની માફી માંગું છું.
પૂ. ગુરૂ ભગવંતનો પાંચ પ્રકારનો વિનય રાખવાનો છે. (૧) પૂ. ગુરૂભગવંત (પૂ. સાધુ-સાધ્વી) ની ભક્તિ (૨) તેમના પ્રત્યે બહુમાન (૩) તેમના ગુણોની
સ્તુતિ કરવી (પ્રશંસા-અનુમોદના) કરવી (૪) અવગુણ ઢાંકવા (૫) આશાતના ન કરવી.
મેં કોઈપણ ભવમાં આ પાંચ પ્રકારનો વિનય ન કર્યો હોય, કરતાને રોકેલ હોય, વિનય કરનારની નિંદા, તિરસ્કાર કરેલ હોય તેની હું માફી માંગું છું.