________________
સમાધિ મરણ
૪૩
નથી પરંતુ દંપૂર્વક પોતાની ખોટી વાતને જ સાચી સાબીત કરવા, સાચી તરીકે બીજાના મગજમાં બેસાડવા પ્રયત્ન કરે છે અને જે સાચો છે, જે વાત સાચી છે તેને ખોટી ઠેરવવા પ્રયત્ન કરે છે. આ માયા મૃષાવાદ છે.
જેન શાસનમાં આવા માયા મૃષાવાદીનાં તપનો ચોર, શ્રુતનો ચોર વિગેરે પ્રકાર પાડેલ છે.
ભવભ્રમણ કરતા મેં આ ભવમાં કે બીજા કોઈપણ ભવમાં તપ ન કરવા છતાં મારી જાતને તપસ્વી જણાવેલ હોય, શ્રત ન હોવા છતાં જ્ઞાની તરીકે મને સ્થાપેલ હોય, વૈયાવચ્ચ ન કરતો હોવા છતાં વૈયાવચ્ચી છું એવો દંભ કરેલ હોય.. જેની પાસે ભણેલ હોઉં તેનું નામ છુપાવેલ હોય... મને જેમણે અભ્યાસ કરાવેલ છે તેમને મેં ભણાવેલ છે એવું બોલેલ હોઉં...મારામાં જે ગુણ નથી તે છે એવું દેખાડવા કોશીષ કરી હોય... મારામાં જે દોષ હોય તે દોષ છે જ નહીં તેવું લોકોના માનસમાં બેસાડવા પ્રયત્ન કરેલ હોય.
આવો કોઈપણ રીતે માયા મૃષાવાદ મેં મનથી-વચનથી તથા કાયાથી સેવેલ હોય તેનું અનંતાનંત વાર વિચરંતા તીર્થકરો – અનંતા સિદ્ધો-જ્ઞાની સાધુઓ-અવધિ જ્ઞાની દેવતાઓ તથા મારા આત્માની સાક્ષીએ મિચ્છા મિ દુક્કડમ્...મિચ્છા મિ દુક્કડમ્-મિચ્છા મિ દુક્કડમ્.
૧૮ મું પાપસ્થાનક મિથ્યાત્વ મિથ્યાત્વ એટલે અજ્ઞાન-ઉંધુ જ્ઞાન. મિથ્યાત્વ એટલે સાચાને ખોટું માનવું અને ખોટાને સાચું માનવું.
કોઈપણ પ્રકારની સાંસારિક-પોદ્ગલિક ઈચ્છાથી દેવ-ગુરૂ-ધર્મની ભક્તિઆરાધના-તપ-જપ વિગેરે કરવા તે મિથ્યાત્વ.
દેવ-ગુરૂ-ધર્મની ભક્તિ-આરાધના-તપ-જપ વિગેરે માત્ર જન્મ-મરણમાંથી છુટવાની બુદ્ધિથી કરવાના હોય.
મિથ્યાત્વનો સંબંધ વૃત્તિ સાથે છે, પ્રવૃત્તિ સાથે નહીં. દેવતત્ત્વ-ગુરૂતત્ત્વધર્મતત્ત્વ તારનાર છે.
આ વાત સમજે નહીં, ભૂલો પડે. કોઈ એક જ ગુરૂ કે ટુકડી કે સમુદાય કે ગચ્છનો રાગી બને તે મિથ્યાત્વી છે.
