Page Text
________________
મિથ્યાત્વ
જૈનશાસન ગુણપ્રધાન છે, વ્યક્તિપ્રધાન નથી. ગુરૂતત્ત્વ તારનાર છે, વ્યક્તિગુરુ
નહીં.
જે ગુરુ બીજા જીવને પોતાનો વ્યક્તિરાગી બનાવે છે તે ગુરુ પોતે પણ સંસારમાં ડુબે છે અને તેનો બનાવેલો રાગી જીવ પણ સંસારમાં ડુબે છે.
હે જિનેશ્વર દેવ! મારી અલ્પ બુદ્ધિથી કોઈપણ ભવમાં મેં રાગ-દ્વેષી-અજ્ઞાની એવા દેવ-ગુરૂ-ધર્મને મારા તારણહાર, જન્મ-મરણથી છોડાવનાર માન્યા, મનાવ્યા કે અનુમોદેલ હોય તેની હું માફી માંગું છું.
જેમણે રાગ દ્વેષ જીત્યા છે, જે કર્મના બંધનથી સર્વથા મુક્ત થઈ ગયેલ છે તેવા દેવ... રાગ-દ્વેષથી મુક્ત થવા પ્રયત્ન કરતા, મુક્ત થવાનો ઉપદેશ દેતા એવા ગુરૂ..રાગ દ્વેષથી મુક્ત થવાનું શીખવતો ધર્મ.
આવા દેવ-ગુરૂ-ધર્મ દ્વારા રાગ-દ્વેષથી મુક્ત થવાનો પ્રયત્ન કરવાનો હોય તેને બદલે મિથ્યાત્વને વશ થઈને સાંસારીક સુખને માટે આવા મોક્ષમાર્ગ દાતાર દેવની ભક્તિ-સ્તવના-સ્તુતિ કરી હોય તેની હું માફી માંગું છું.
ગુરૂની પાસે સાંસારિક સુખ માટે આશીર્વાદ લેવા ગયેલ હોઉં તેની માફી માંગું છું. સાંસારિક સુખ માટે ગુરૂ પાસે વાસક્ષેપ કરાવેલ હોય તેની માફી માંગું છું... માંગલિક સાંભળેલ હોય તેની માફી માંગું છું... સાંસારિક સુખ માટે મારે ઘેર ગુરૂના પગલા કરાવેલ હોય, દુકાને, ફેક્ટરીએ પગલા કરાવેલ હોય, તેની માફી માંગું છું.. સમાજમાં માન-પાન મેળવવા દેવ કે ગુરૂની ભક્તિ કરેલ હોય તેની માફી માંગું છું.
દિકરા-દિકરી પરણાવવા, માન મેળવવા, ધંધો-પૈસો મેળવવા માટે મેં દાન કરેલ હોય, તપ કરેલ હોય, શ્રુત ભણેલ હોઉં, સાધર્મિક ભક્તિ કરેલ હોય, પ્રતિક્રમણ-પૂજા-પૌષધ કરેલ હોય, સંઘ કાઢેલ હોય, રતિભાર પણ આત્મકલ્યાણની બુદ્ધિ ન હોય તેની હું માફી માંગું છું.
આ રીતે લૌકિક-લોકોત્તર બંને મિથ્યાત્વને વશ થઈને મેં જે કાંઈ મન-વચનકાયાથી કરેલ, કરાવેલઅનુમોદેલ હોય તેનું મિચ્છા મિ દુક્કડ-હું તેની માફી માંગું છું.
અઢારે પાપસ્થાનકોનું આ ભવમાં કે ભવોભવમાં મેં જે કાંઈ સેવન કર્યું, કરાવ્યું તથા અનુમોદેલ હોય તેની હું માફી માંગું છું.
| SR No. | 009213 |
| Book Title | Jivan Jagruti Yane Samadhi Maran |
| Original Sutra Author | N/A |
| Author | Hemant Hasmukhbhai Parikh |
| Publisher | Hemant Hasmukhbhai Parikh |
| Publication Year | 2015 |
| Total Pages | 176 |
| Language | Gujarati |
| Classification | Book_Gujarati |
| File Size | 1 MB |