________________
સમાધિ મરણ
૩૯
કલહથી ચિત્ત વ્યાક્ષિપ્ત રહે છે, અશાંતિ રહે છે.
આવો કલહ આ ભવમાં કે ભવોભવમાં મેં કર્યો હોય, ઝગડો કરાવ્યો હોય, ઝગડો કરનારને સારો માનેલ હોય, ઝગડો કરનારની પ્રશંસા કરેલ હોય, ઝગડો કરવામાં ઉત્તેજન આપેલ હોય તેની હું માફી માંગું છું.
આપની કૃપાથી હે અંતર્યામી હવે પછી મારે ઝગડો ન થાય.
વ્યવહારમાં કદાચ ઝગડો કરનાર પ્રત્યે પ્રતિકાર કરવો પડે તો પણ હૃદયમાં તેની ભાવદયા ચિંતવનારો રહું.
અજ્ઞાન દશાથી મારી માન્યતા જ સાચી એમ પકડીને બીજા જીવને મેં દુભાવેલ હોય, ત્રાસ આપેલ હોય, મારી નાખેલ હોય, અળખામણો બનાવેલ હોય, તે બધાની હું માફી માંગું છું. તે બધા જીવો ખૂબ સુખી થાય, ચારિત્ર પામે, મોક્ષે જાય... ધર્મના નામે કોઈપણ ભવમાં કલહ કર્યા હોય તેની હું વારંવાર માફી માંગું
છું.
કુટુંબમાં મારૂં ચલણ હોઈ મારી સ્ત્રી કે મારા પતિનું ચલણ હોઈ મેં બીજા સભ્યોને ઝગડો કરી ત્રાસ પમાડેલ હોય, મારા ઝગડાળું સ્વભાવને કારણે બીજો જીવ દાન દેતા અટકી ગયો હોય... તપ કરતા અટકી ગયો હોય.. ભણતા અટકી ગયો હોય... શીલ ન પાળી શકેલ હોય.. વ્રત પચ્ચક્ખાણ ન કરી શકેલ હોય.. ધર્મથી દૂર થયેલ હોય.. અધર્મના પંથે વળેલ હોય... હિંસક બનેલ હોય... ધર્મધર્મી તરફ તિરસ્કૃત ભાવવાળા બનેલ હોય... કુટુંબનાં-ગામનાં-નાતનાં-દેશનાં દ્રોહી બનેલ હોય, દુશ્મન બનેલ હોય.
તે બધા જીવોની હું માફી માગું છું.
તે બધા જીવો જ્યાં હોય ત્યાં ખૂબ સુખી થાય,
મારા પ્રત્યે ભવાંતરમાં તે જીવો પ્રતિકુળ વર્તન કરે તો પણ હું તેમના પ્રત્યે મૈત્રીભાવવાળો રહું.
પરમાત્માની કૃપા ઉતરો કે હવે પછી હું કોઈ જોડે કલહ નહી કરું. થઈ જાય તો તુરંત સાવધ બનીને તેની માફી માંગું, તેનું ભલુ ઈચ્છું.
૧૩ મું પાપસ્થાનક અભ્યાખ્યાન
વાણી સ્વાતંત્ર્ય (વાણી સ્વછંદતા) સમાચાર માધ્યમોના ચક્કરમાં ચઢીને આ પાપસ્થાનકનું સેવન વધતુ જ જાય છે અને મોટાભાગના જીવો-સમાજ સુધારકો
