________________
સમાધિ મરણ
મોક્ષ માર્ગ સાધવામાં ક્રમસર ત્રણે રાગ એક એક કરતા વધારે સંસારમાં રખડાવનાર છે.
વિવિધ પ્રકારની સંસારીક વસ્તુઓ-જગ્યા-વિજાતિય સાથે ભોગ, અમુક પ્રકારનું ખાવા-પીવા-પહેરવા-ઓઢવાનું ગમે તે બધું કામરાગ.
માતા-પિતા, ભાઈ-બહેન, પુત્રાદિ-મિત્રો વિગેરે પ્રત્યેનો રાગ સ્નેહ રાગ.
દેવ, ગુરૂ, ધર્મમાં મારું જ સાચું, બીજાનું ખોટું આવો જે કદાગ્રહવાળો રાગ તે દષ્ટિરાગ.
હું આ જ જગ્યાએ બેસું, મને આ જ વસ્તુ ખાવા પીવા ભાવે, મને આવા માણસો જોડે વાત કરવી ગમે, હું ટી.વી. માં અમુક જ સીરીયલ જોઉં,
આવા કામરાગમાં અનાદિ કાળથી ફસાઈને ઘણા અશુભ કર્મો બાંધેલા છે તેનું મિચ્છા મિ દુક્કડમ્.
ખાવું ભૂખ મટાડે છે, પણ આવું જ ગમે.
કપડા ઠંડી-ગરમીમાં રાહત આપે છે, પણ આવા જ જોઈએ... આથી કામરાગની વિટંબણા ધર્મ માર્ગે આવીને પણ ચાલુ રહી.
હું સામાયિક-પ્રતિક્રમણ-વ્યાખ્યાનમાં સાંભળવા જઉં, મને જોવા ગમે એવા મહારાજ સાહેબના વ્યાખ્યાનમાં જઉં.
ભગવાનનાં સ્વરૂપ વિચારી આનંદ પામવાને બદલે ભગવાનની અંગ રચના આંગીમાં જ આનંદ પામું,
સ્તુતિ, સ્તવન, સક્ઝાય વિગેરે બોલતા કે સાંભળતા તેના શબ્દો-અર્થમાં ચિત્ત પરોવવાને બદલે માત્ર સ્વર, માધુર્યમાં આનંદ પામું.
આવી રીતે જ કામરાગમાં આસક્તિ ધરીને મેં મન વચન કાયાથી કર્મ બાંધ્યાબંધાવ્યા-અનુમોદેલ હોય તેનું મિચ્છા મિ દુક્કડમ્.
કુટુંબ-જ્ઞાતિ-ગામ-દેશ-મનુષ્યપણું તથા તે તે ભવનું તિર્યચપણું- દેવપણુંનારકીમાં રાગવશ બનીને જે જે અશુભ કર્મો બાંધ્યા, બંધાવ્યા તથા અનુમોદેલ હોય તેનું મિચ્છા મિ દુક્કડમ્.
