________________
35
લોભ - રાગ
૯મું પાપસ્થાનક લોભ પાપનો બાપ એટલે લોભ.
પગથી માથા સુધી હું આ લોભના સંકજામાં છું. જાત ભાતની ઈચ્છાઓ થાય છે તે બધો લોભ છે તેથી હે પ્રભુ મને જે સહજ મળે તે સ્વીકારીને જવું એવું બળ આપો.
જે મળેલ છે તેના દ્વારા કર્મનિર્જરા કરૂં.
આ લોભથી ઉત્પન્ન થતી મારી વૃત્તિઓ ... જેવી કે... મને ધન મળે... મને માણસો આવીને મને... મારી વાત બધા સ્વીકારી લે. મને પદવી (ડીગ્રી) મળે.. હું લોકમાન્ય બનું... મને વિવિધ ખાવાની વસ્તુઓ મળે... કપડા-દાગીનાફર્નીચર મળે... આ બધાના મૂળ જેવો લોભ નાશ પામો... નાશ પામો... નાશ પામો...
ધર્મ સંસ્થામાં, ધર્મ પ્રવૃત્તિમાં... મને ટ્રસ્ટીપણું મળે, હું ધારું તેમ જ ધર્મનાં અનુયાયી ગુરૂવર્ગ કે સેવકવર્ગ કરનારા બને. ધર્મ પ્રવૃત્તિના ભક્તિ સૂત્રો, ભક્તિ ગીતો મને જ બોલવા મળે, વડીલ હોય, ધર્મગુરૂ હોય તે મને જ બધા બોલવાનું કહે.. હું જઉં ત્યાં લોક મેદની મને વીંટળાયેલી રહે વિગેરે વિગેરે લોભ મૂલક વૃત્તિ – પ્રવૃત્તિ નાશ પામો... નાશ પામો....
મારો પુત્રાદિ પરિવાર વધે, મારો શિષ્યાદિ પરિવાર વધે.
મને માનનાર – મારું માનનાર ભક્તવર્ગ વધતો રહે, હોય તેમાંથી ઓછો ન થાય આવી વૃત્તિ-પ્રવૃત્તિ કર્મબંધ કરનાર છે તે દૂર થાઓ, દૂર થાઓ.
આ ભવ કે ભવોભવમાં મેં જે લોભ કષાય કર્યો, કરાવ્યો તથા અનુમોદેલ હોય તેનું મિચ્છા મિ દુક્કડમ્. હું તેની માફી માંગું છું. મારી ઈચ્છા, અપેક્ષાઓ નાશ પામો-નાશ પામો.
૧૦ મું પાપસ્થાનક રાગ જૈન શાસનમાં ૩ પ્રકારનાં રાગમાં બધી જાતના રાગને સમાવિષ્ટ કરેલ છે. ૧. કામ રાગ ૨. સ્નેહ રાગ ૩. દ્રષ્ટિ રાગ
