________________
૩૫
સમાધિ મરણ
ક્રોધી માણસ શાંત પડેલો ઘમંડી માણસ નમ્ર બનેલો
૧ રૂપિયો ન છુટતો હોય તેવો દાની બનેલો પરંતુ માયા કપટી મનુષ્ય મરણ સમયે પણ સરળ બનેલો ભાગ્યે જ જોવા મળશે.
તેથી એક પ્રાર્થના વારંવાર કરવાનું મન થાય છે. “ભવો ભવ ટળજો, ડાકણ માયા તેહ હું આજ યાચું, બાહ્ય દુઃખો ભલે મળે પણ સરળતાને જ યાચું, સુખી થાઓ મુજ જીવનમાં કપટને કરનાર, નેમીનાથ ચરણસેવા એક છે તારનાર.”
બીજાને છેતરવા, કપટ કરવાના વર્તનને મેં હોંશિયારી માની હોય... છેતરીને આનંદ થયેલ હોય..
મારી નજીકના બીજાને છેતરીને આવેલ હોય તે જાણી, સાંભળી તેને બિરદાવેલ હોય... તેની હું માફી માંગુ છું.
માસક્ષમણને પારણે માસક્ષમણ (૩૦ દિવસ ઉપવાસ) (માત્ર પાણી ૩૦ દિવસ સુધી લેવાનું) કરનાર હોય, પારણામાં રસ કસ વગરનું વાપરતા (ખાતાજમતા) હોય, બહારથી ઉત્કૃષ્ટ સાધુ-શ્રાવકની ક્રિયાઓ કરતા હોય, પરંતુ અંદરથી માયાવી છે, કપટી છે તે સંસારથી મુક્ત થતા નથી. હજુ અનંતા જન્મ મરણ તેને કરવાના છે.
તો પછી... મારામાં તેવો તપ નથી, જ્ઞાન નથી, ક્રિયામાં ઉત્કૃષ્ટ વિધિનું પાલન નથી અને જો હું માયા – કપટ કરીશ તો મારે કેટલો સંસાર ભમવો પડશે, ક્યારે જન્મમરણથી મુક્ત બનીશ ???
હે પરમેશ્વર ! આ ભવમાં કે ભવોભવમાં મેં જે કાંઈ માયા-કપટ કરેલ હોયકરાવેલ હોય તથા અનુમોદેલ હોય તેની હું માફી માંગું છું.
ત્રણે કાળમાં અવસર ઉત્પન્ન થવા છતાં જે જીવો માયા કરતા નથી, સરળ રહે છે - તેમને ધન્ય છે, તેમનું જીવન સફળ છે. તેવા જીવોની હું પ્રશંસા કરું છું, અભિનંદન આપું છું, અનુમોદના કરું છું, પ્રભુ કૃપાથી મારું જીવન પણ તેવું
બને.
