________________
સમાધિ મરણ
અત્યારે હું મકાન-સોનું-ચાંદી-શેર-રૂપિયા-વસ્ત્ર-ફર્નીચર-વાસણો વિગેરે નવા ન લેવાનો અભિગ્રહ (નિયમ) કરું છું (અહિં કાયમ માટેનો કે બિમારી સુધીનો અમુક સમયનો નિયમ લઈ શકાય.)
પરિગ્રહ સંબંધી લક્ષમાં રાખવા જેવું.
જીવને હિંસાનુબંધી રૌદ્રધ્યાન ભવ વધારનાર લાગે છે તેટલું સંરક્ષણાનુબંધી (પરિગ્રહાનુબંધી) રૌદ્રધ્યાન ભવ વધારનાર મોટા ભાગે લાગેલ નથી કે તે સંબંધી વિચારેલ નથી.
મને વધારે ધન-ધાન્ય-સોનું-ચાંદી-ઝવેરાત વિગેરે મળે, કેમ મળે, ક્યાંથી મળે, એનું કેમ રોકાણ કરું, આવું ધ્યાન સંરક્ષણાનુબંધી રોદ્રધ્યાન છે.
મારા સંબંધો કેમ વધે તેના માટેનું ધ્યાન (વિચારણા) દુર્થાન છે.
દિક્ષા લીધા પછી મારા કે મારી ટુકડી કે મારા સમુદાય કે મારા ગચ્છને માનનારા શ્રાવકો કેમ વધે ? ક્ષેત્રો કેમ વધે ? આવું ધ્યાન, આવી વિચારણા તે સંરક્ષણાનુબંધી રૌદ્રધ્યાન છે. જેની તીવ્રતા નારકીનું આયુષ્ય બંધાવે.
ડાયરીમાં સરનામા વધતા જાય. ફોન નંબર વધતા જાય તે પરિગ્રહ છે. તેનું તીવ્ર ધ્યાન રૌદ્રધ્યાન છે.
મારા પરિચિતો મારી જ પકડમાં રહે તેવા સંરક્ષણાનુબંધી રૌદ્રધ્યાનને વશ થયેલ સંન્યસ્ત વેશ પામ્યા પછી પણ જુદા જુદા તરકટો ધર્મને નામે કરે છે તે ખોટું છે તેમ વિચારતો પણ નથી.
વાસક્ષેપના પડીકા મોકલવા રક્ષા પોટલી મોકલવી માળાઓ મોકલવી યંત્રો મોકલવા મૂર્તિઓ મોકલવી પગલા કરવા જવું.
આ બધામાં ધ્યાન (વિચારણા) સ્વકેન્દ્રી ટોળું ઊભું કરવું કે પકડી રાખવા તરફ હોય ત્યારે તે સંરક્ષણાનુબંધી રૌદ્ર ધ્યાન બને કે નહીં ???
આ ભવમાં કે ભવોભવમાં ભટકતા મેં જે કાંઈ સંરક્ષણાનુબંધી રોદ્રધ્યાન કર્યું,
