________________
સમાધિ મરણ
હું તો બીજાને સાચો માર્ગ દેખાડું છું, ધર્મ માર્ગે વાળું છું. ખોટા માર્ગે જતો બચાવું છું. આવા સુંદર દેખાતા કે માની લીધેલા આવરણ નીચે હું જ સાચો છું. હું જાણું કે મેં ભણેલ વાંચેલ હોય તે જ સાચું આવા માન કષાયને પોષણ કરી ભવ વધારનાર વાણી વિલાસ બોલી હોય.
૧૧
હું કે મારી ટુકડી કે મારો સમુદાય કે મારો ગચ્છ કે મારી માન્યતાવાળા જે ક્રિયા કરે તે જ સમ્યક્ત્વ, બીજાનું મિથ્યાત્વ, આવું ઉંધુ પકડીને બીજાની હેલના તિરસ્કાર કર્યા હોય.
સમ્યક્ત્વને પરિણામ સાથે સંબંધ છે. પરિણામ વિચાર-ભાવના પરમાત્માની આજ્ઞા મુજબના હોય તેનાથી સમ્યક્ત્વ આવે – ટકે આ સત્ય છે. તેને ભૂલીને અમુક દિવસે અમુક ક્રિયા કરે તો જ સમકિતિ તે અસત્યને પકડેલ હોય અને તેને કારણે મારી માન્યતાના દિવસે ક્રિયા નહીં કરનારને મિથ્યાત્વીનું લેબલ ચોડી કર્મ બાંધેલ હોય.
હું ટ્રસ્ટી કે સત્તા સ્થાને રહેલ હોઉં પછી મારી હાજી હા કરનાર મારા સાચા કે ખોટા વખાણ કરનાર સાધુ-સાધ્વી-શ્રાવક-શ્રાવિકાને જે જરૂર હોય તે સગવડ આપું અને જો મારી ભૂલ દેખાડે કે મારી સાચી કે ખોટી વાતમાં હા-હા ન કરે તેને હેરાન કરું તેની સાચી વાત પણ માનું-સાંભળું નહીં આવું જે કાંઈ કરેલ હોય તેનું મિચ્છા મિ દુક્કડમ્.
તપાચારની આલોચના
તપસ્વીની ભક્તિ
તપ-તપસ્વી-તપના સાધનો-તપનું બહુમાન કરનાર કરનારની અત્યાર સુધીના ભવમાં મેં જે કાંઈ અવહેલના-નિંદા-તિરસ્કાર -હાંસીમજાક વિગેરે કર્યા - કરાવ્યા-અનુમોદેલ હોય તેનું મિચ્છા મિ દુક્કડમ્.
૬ પ્રકારનો બાહ્ય તપ તથા ૬ પ્રકારનો અત્યંતર તપ કર્યો નહીં, કરાવ્યો નહીં અને તપ કરનારની અનુમોદના ન કરી તેનું મિચ્છા મિ દુક્કડમ્. બીજાને તપ કરતા અટકાવેલ હોય,
પરમાત્માની આજ્ઞા વિરુદ્ધ તપની સમજણ થઈ હોય, બીજાને ઉંધી સમજણ આપેલ હોય.
ભૌતિક લાલસા ઉત્પન્ન કરાવી તપ કરાવેલ હોય, તપ દ્વારા કર્મ નિર્જરાના ધ્યેયને બદલે સાંસારીક સુખ મેળવવા તપ કરેલ હોય.
