________________
અતિચાર આલોચના
ટ્રસ્ટી એટલે વહીવટદાર : આવી સાચી સમજણને બદલે ટ્રસ્ટી થયા બાદ પોતાને સંઘના શ્રાવક, શ્રાવિકાના ઉપરી અધિકારી તેમજ પૂ. સાધુ-સાધ્વીના પણ ઉપરી અમલદાર માનીને હુકમ કરેલા હોય, તોડી પાડેલ હોય, તુચ્છ ગણેલા હોય, કોઈ પૂ. સાધુ-સાધ્વી વ્રત-પચ્ચક્ખાણ બાધા સમજાવે તેને તોડી પાડીને બાધા લેવા તૈયાર થનારને અટકાવેલ હોય તેનું મિચ્છા મિ દુક્કડમ્.
૧૦
દિક્ષા લેવા તૈયાર થયેલ કે દિક્ષા લીધેલ પૂ. સાધુ સાધ્વી તેમજ વ્રત લેવા તૈયાર થયેલ ગૃહસ્થો કે વ્રત લીધેલા શ્રાવક-શ્રાવિકા કોઈ ભૂલ કરે ત્યારે બધા સાધુ સાધ્વી કે બધા શ્રાવક શ્રાવિકા સારા નથી એવું બોલીને, બોલાવીને, બોલવાની વાતમાં હા-હા કરી અનુમોદેલ હોય તેનાથી જે કાંઈ ચારિત્ર મોહનીય બાંધેલ હોય તેનું મિચ્છા મિ દુક્કડમ્.
પૂ. સાધુ-સાધ્વી-શ્રાવક-શ્રાવિકા ઘણી ધર્મક્રિયા કરતા હોય, પોતે કાંઈ ન કરતા હોય કે અલ્પ કરતા હોય છતાં એક ભૂલ થતી જણાય, સંભળાય કે કોઈ વસ્તુ ઓછી કરતા દેખાય તે જોઈને આના કરતા હું સારો કે હું આ તો ન જ કરું અથવા હું આટલું તો કરું જ આવું બોલી તે તે સાધુ-સાધ્વી શ્રાવિકા જે બીજું ઘણું કરતા હોય તેની અનુમોદના ન કરું, તેને સારૂં ન ગણું. ન માનું તથા એક ઉણપની નિંદા ટીકા કરી તેમને હલકા અને પોતાને ઉચ્ચ ગણવાનું કરેલ, કરાવેલ, અનુમોદેલ હોય તેનું મિચ્છા મિ દુક્કડમ્. તેની હું માફી માંગુ છું.
શ્રાવક
મેં કોઈપણ સાધુ-સાધ્વી-શ્રાવક-શ્રાવિકાનું અપમાન કરેલ હોય.
મેં કોઈપણ સાધુ-સાધ્વી-શ્રાવક-શ્રાવિકાનું છતી શક્તિએ ભક્તિ-બહુમાન કરેલ ન હોય,
મેં કોઈપણ સાધુ-સાધ્વી-શ્રાવક-શ્રાવિકાના ભક્તિ બહુમાન કરનારને અટકાવેલ
હોય.
તેમની હાંસી-મજાક કરેલ હોય.
મારો અભ્યાસ સારો હોવાથી બીજા ઓછું ભણેલાની ભૂલ દેખાય ત્યારે તેમની સભામાં ભૂલ કાઢી ઉતારી પાડેલ હોય.
પૂ.સાધૂ-સાધ્વી કોઈને સમજાવતા હોય તેમાં વચ્ચે બોલવા માંડીને હું
હોંશિયાર તેવા અભિમાનને પોષેલ હોય.
