Aapne Shakahari Manso

SR No.: 009204
Original Sutra Author: N/A
Author: Atul Doshi
Publisher: Atul Doshi
Publication Year: 2014
Total Pages: 48
Language: Gujarati
Classification: Book_Gujarati
File Size: 4 MB

Page 37

૪. “ચાય પે ચર્ચા'-ગ્રીન ટી - લીલી ચા (દૂધ વગરની)નો ઉપયોગ કરીએ | ભારતના દરેક પ્રાંતમાં મોટા ભાગના લોકો દિવસમાં ઘણી વાર દૂધમાં બનાવેલી ચા પીવે છે. રોજનું લાખો લિટર દૂધ આપણે ચા માટે વાપરીએ છીએ, જ્યારે બીજા દેશોમાં દૂધ વગરની ચા પીવાનો રિવાજ પ્રચલિત છે.
વિશ્વમાં ગ્રીન ટીને તંદુરસ્તી માટે સૌથી ઉત્તમ પીણા તરીકે ગણવામાં આવે છે. ગ્રીન ટીમાં ઍન્ટિ-ઑક્સિડન્ટ (Antioxidants) ખૂબ વધારે માત્રામાં છે, જે આપણા શરીરના કોષોનું
રક્ષણ કરે છે. ગ્રીન ટી પીવાથી નીચે મુજબના લાભ થાય છે.. (૧) મગજની શક્તિ વધારે છે. ૨) લોહીમાં સુગરનું પ્રમાણ ઘટાડે છે. (૩) કોલેસ્ટરોલ લેવલને ઘટાડે છે. ૪) દાંતોનું સ્વાથ્ય સુધારે છે. (૫) શરીરનું વજન સપ્રમાણ રાખે છે ૬) શરીરની ચામડીને સારી કરે છે. (૭) બ્લડ પ્રેશર ઓછું કરે છે. ૮) કેન્સર જેવા મહાભયંકર રોગ ઓછા થાય. (૯)હાડકાંને મજબૂત કરે છે. ૧૦) જલદીથી ઘરડા થવાની પ્રક્રિયાનો સામનો કરે. નોંધ/ચેતવણીઃ “ગ્રીન ટી” કે “બ્લેક ટી કે કોઈ પણ ચા પીતાં પહેલાં સાવચેતી રાખોઃ
જે લોકો લોહીને પાતળું કરવાની (Anticoagulant) દવા જેવી કે coumadin/Warfarin લેતા હોય એમણે ગ્રીન ટીમાં રહેલા વિટામિન Kના લીધે સાવધાની રાખવાની જરૂર છે. ગ્રીન ટી અને એસ્પિરિન (Aspirin)ને સાથે મેળવવાથી લોહીને જામતું રોકે છે અને એનાથી રક્તસ્ત્રાવ (Bleeding)નું જોખમ વધી જાય છે. બીજી દરેક ચાની જેમ ગ્રીન ટીમાં પણ થોડું કેફીન (Caffeine) છે એથી ગર્ભાવસ્થા દરમિયાન ચાનો વપરાશ ઓછો કરવો જોઈએ. શક્તિવર્ધક દવાઓ (Stimulant Drugs)ની સાથે ગ્રીન ટીનો ઉપયોગ બ્લડ પ્રેશર કે હૃદયના ધબકારાને વધારે છે. જે લોકો Warfarin-Coudamin લેતા હોય એમણે ગ્રીન ટીનો ઉપયોગ ન કરવો જોઈએ. | ‘ટાઈમ્સ ઑફ ઈન્ડિયા’ના ૨૮ જુલાઈ, ૨૦૧૪ના દિયોર્ટ મુજબ ભારતમાં ગ્રીન ટી એક હેલ્થ-ફૂડ તરીકે ઊભરી રહ્યું છે. ભારતમાં “બ્લેક ટીનું વાર્ષિક વેચાણ ૨%નો વધારો દર્શાવે છે, જ્યારે ગ્રીન ટીનાં વેચાણમાં ૬૦%નો વધારો થઈ રહ્યો છે.
33