________________
આમ ઘણો સમય પસાર થયા બાદ સ્વજનો પાસે જવાની અર્જુનને ભાવના થઈ. ઇન્દ્રની રજા લઈને તે નીકળ્યો. ઇન્દ્ર ઘણા બધા વિદ્યાધરો તેની સાથે મોકલ્યા. શિખરજી વગેરે તીર્થોની યાત્રા કરીને વિદ્યાધરો સાથે અર્જુન ગંધમાદન પર્વત ઉપર પુનઃ આવી ગયો. વિદ્યાધરોએ યુધિષ્ઠિરને પ્રણામ કર્યા. ‘જ્યારે પણ જરૂર પડે ત્યારે અમને યાદ કરજો” કહીને તેઓ વિદાય થયા.
ધર્મધ્યાન દ્વારા સમય પસાર કરતાં પાંડવો અર્જુને યુધિષ્ઠિર આદિ સ્વજનોને સવાલ કર્યો કે મારી ગેરહાજરીમાં આપ સહુએ શી રીતે કાળ પસાર કર્યો ?
યુધિષ્ઠિરે કહ્યું, “ધર્મધ્યાનથી; તપ, જપ અને જિનભક્તિથીસ્તો. અર્જુન ! ધર્મ જ આપણું સર્વસ્વ છે. નવરાશના આવા મળી ગયેલા સમયમાં પણ જે આત્મા પોતાની ભારે મોટી પુણ્યાઈનો ઉદય ન માને અને ધર્મધ્યાન કરી ન લે તેના જેવો મૂર્ખ બીજો ક્યો માણસ હોઈ શકે!”
ધર્મ તો મારો સ્વભાવ છે
જૈન મહાભારત ભાગ-૨
