Page Text
________________
આગળ ધપાવાઈ રહી છે તેનું પરિણામ કદાચ આતંક, અંધાધૂંધી અને આંતરવિગ્રહમાં જ આવીને ઊભું રહેશે.
કદાચ બૅન્કો ફડચામાં જશે, શિક્ષણ-સંસ્થાઓને તોફાનોના કારણે તાળાં લાગશે; રાજ્યો રાજ્યો વચ્ચે, હરિજન-સવર્ણો વચ્ચે, ખેડૂતો-હરિજનો વચ્ચે, ગિરિજનો અને ગ્રામજનો વચ્ચે, નગરો અને શહેરો વચ્ચે આંતરવિગ્રહો ફાટી નીકળશે.
અરાજકતાનું મૂળ : સત્તાની લંપટતા સત્તાની કારમી લંપટતા આ બધી અરાજકતાનું મૂળ છે. ખુરશી મેળવવા માટે મતો જોઈએ. મતો મેળવવા માટે બહુમતી-લોકને રીઝવવા પડે. તે ‘હલકી’ કક્ષાના હોય તો ય તેમના ઉદ્ધારની વાતો અને તેનો અમલ કરવો પડે. તે માટે ‘સારા’ ગણાતા લોકોને ભાંડવા પડે, ઊંચેથી નીચે ઉતારી નાંખવા પડે. પ્રત્યેક પક્ષે ટકવા માટે આ કામ પૂર્વના સત્તાધારી કરતાં પણ વધારે જોરથી કરવું જ પડે, નહિ તો સત્તા મળે નહિ અથવા તે ટકે નહિ. કહો, આ વિષચક્ર કેટલું ભયંકર છે!
આ બધી વિચારણાને સારી રીતે સમજવી હોય તો તમારે રશિયન તત્ત્વવેત્તા સોલેનિત્ઝિનને ચોક્કસ વાંચવો પડશે. એણે આજના બુદ્ધિજીવીઓના કરતૂતોનો પર્દાફાશ કર્યો છે. એણે સમગ્ર વિશ્વના ભયાનક ભાવિનું દર્શન કરીને ભયની તીણી ચીસો નાંખી છે. એણે સામ્યવાદને ભયાનક કહ્યો છે તો મૂડીવાદને ખતરનાક જણાવ્યો છે.
ખરી વાત એ છે કે ધરતીના કોઈ પણ રાષ્ટ્રના કેટલાક બુદ્ધિજીવીઓ-માત્ર પાંચસોથી એક હજાર જેટલાની ટોળકી-જ પોતાના પેટ-પટારા ભરી લેવા માટે, પોતાની વાસનાપ્રચુર જિંદગી માણી લેવા માટે પોતાના દેશની પ્રજા ઉપર કાયદાઓના અનુશાસન વડે ભૂખ્યા વરુની જેમ તૂટી પડતા હોય છે. તેઓ જે કાંઈ સ્વહિત સાધી લેતા હોય છે તે બધાયના મૂળમાં તો માત્ર લોકહિતની વાતો જ હોય છે. ગરીબો, ગામડાંઓ(અને ભારતના ગાંધીજી)ના નામે આ લોકો શ્રીમંતોને અને શહેરોને લૂંટે છે ખરા, પરંતુ લૂંટનો માલ ઘરભેગો જ કરી લેતા હોય છે. દેખાવ પૂરતો થોડોક-ખૂબ જ થોડોજ માલ ગરીબો વગેરેને અપાતો હોય છે.
માઓ, લેનિન, સ્ટેલીન, યાહ્યાખાન, ભુટ્ટો, હિટલર વગે૨ે કહેવાતા ક્રાન્તિકારીઓએ લોકહિતના નામે સત્તા હાથમાં લઈને પોતાના જ રાષ્ટ્રના લાખો માણસોને ફાંસીએ લટકાવી દીધા છે કે સદાના લાપત્તા કરી નાંખ્યા છે કે ગાંડાની હૉસ્પિટલમાં ધકેલી મૂક્યા છે.
પોતાના જ હાથે પોતાની પ્રજાનું નિકંદન
આ લોકોએ જ ભૂતકાલીન ઝારશાહી, રાજાશાહીને દારૂ આદિ દ્વારા ભ્રષ્ટ કરી, પછી પ્રજા સમક્ષ રજૂ કરીને વગોવી, પછી તેને ઉખેડી નાંખવા માટે પ્રજાનો જ સાથ માંગ્યો. પ્રજાએ ઉમળકાભેર સાથ આપ્યો, લોહી આપ્યું, જાનની કુરબાનીઓ કરી અને એ ‘શાહી’ ઉખેડી નાંખી; તે ય જંગી બહુમતીએ !
સબૂર ! કોઈ પણ ચાર બદમાશો કોઈ કરોડપતિને લૂંટી ભાગ પડાવી લેવાની યોજનામાં બહુમતીએ શું સંમત થાય ? ત્યાં તો સર્વાનુમતિ પણ સહેલાઈથી મળી જાય ! રાજાશાહીને આ રીતે ઉખેડી નાંખી; જંગી બહુમતીએ !
આથી એની પાછળ રહેલી સંતશાહીને પણ ગોળી દેવાઈ ગઈ ! પ્રજાને-બિચારીને-તેની ગંધ સુધ્ધાં ન આવી.
હવે ?
ધર્મ તો મારો સ્વભાવ છે
૧૦૪
જૈન મહાભારત ભાગ-૨
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |