Page Text
________________
પણ દરિયામાંથી રત્નો લઈને જ બહાર આવે.
અંડગૌલિક મનુષ્યની આ ગોળી મેળવવા માટે ખૂબ જ બુદ્ધિપૂર્વક પ્રયત્ન કરવો પડે છે. કારણકે આ અંડગૌલિક મનુષ્યો પકડાવા સહેલા નથી. તેમને માર્યા વિના તો ગોળી મેળવી શકાય જ નહિ. તેથી રત્નદ્વીપના ૧૦૦-૨૦૦ માણસો, દળવાની ઘંટી સાથે લઈને, નાવડામાં બેસીને લવણસમુદ્રમાં આગળ વધે છે. માંસના લોચા વગેરેને ઘંટીના નીચેના પડ ઉપર ગોઠવી દે. ઉપલું પડ સાઈડમાં મૂકીને તેની પાછળ માણસો સંતાઈ જાય. વચ્ચે પાણીમાં પણ માંસના ટૂકડાઓ નાંખતા નાંખતા આગળ વધે. અંડગૌલિક મનુષ્યો માંસ વગેરેથી લલચાઈને, પાણીમાં પડેલા માંસને ખાતાં ખાતાં છેવટે વહાણમાં આવે. ઘંટીના પડ ઉપર બેસીને ત્યાં પડેલા માંસાદિને પણ આરામથી ખાય.
ખાવામાં જ્યારે તેઓ તલ્લીન બને ત્યારે તરત જ પેલા મનુષ્યો જોરથી ઘંટીનું ઉપલું પડ ઉપર ગોઠવી દે. અને બધા ભેગા થઈને તેને પીસવાનું શરૂ કરે. ઘ૨૨૨...ધ૨૨૨...ધ૨૨૨...ઘંટી લગાતાર છ મહિના સુધી ચલાવે ત્યારે માંડ માંડ તે અંડગૌલિક મનુષ્યો ચીસાચીસ કરતાં મૃત્યું પામે. છ મહિના સુધી તેમને ધંટીમાં પીસાવાનું દુઃખ સહન કરવું પડે. અને અંતે રીબાઈને મરવું પડે કેમકે તેઓએ પૂર્વના પરમાધામી તરીકેના ભવોમાં નરકના જીવોને પુષ્કળ-ત્રાસ આપ્યો હતો ને ? તેમનું મૃત્યુ થતાં તે વેપારીઓ તેના શરીરમાંથી ગોળી કાઢીને લઈ જાય અને તેના દ્વારા પુષ્કળ રત્નો મેળવે. પણ પરમાધામીઓને તેના પાપની કાંઈ આટલી જ સજા નથી ! અંડગૌલિક તરીકે ભયંકર રિબામણ અનુભવ્યા પછી પણ તેઓએ મરીને પાછું નરકમાં જવું પડે છે. જ્યાં બીજા પરમાધામી દેવો તેમને ત્રાસ આપે છે.
દુનિયાનો આ સનાતન નિયમ છે કે જે આપો તે મળે. પરમાધામી દેવે નરકના જીવોને દુ:ખ આપ્યું તો તેમને દુઃખ જ મળે, કાંઈ સુખ ન મળે.
• આપણને જો દુઃખ ગમતું ન હોય તો આપણે પણ બીજાને દુઃખ આપવાનું બંધ કરવું જોઈએ. જો આપણને સુખ ગમતું હોય તો બીજા જીવોને પણ અવશ્ય સુખ આપવું જોઈએ.
1:
ભોજન જોઈએ છે : બીજાને ભોજન આપો. ઠંડી દૂર કરવી છે : બીજાની ઠંડી દૂર કરો. દુઃખ દૂર કરવું છે ઃ બીજાના દુઃખ દૂર કરો. સુખ જોઈએ છે : બીજાને સુખ આપો. મૃત્યુ જોઈતું નથી : બીજા જીવોને મારો નહિ. જીવન જોઈએ છે : બીજાને જીવન આપો. તો ચાલો મિત્રો ! આજથી જ ઉપરની વાતનો અમલ કરવાનો નિશ્ચય કરીએ, નરકના જીવો ઓછામાં ઓછું દસ હજાર વર્ષ જીવતા હોવાથી તેઓ પોતાને યોગ્ય બધી પર્યાપ્તિઓ પૂર્ણ કર્યા પછી જ મરે. તેથી સાતે નરકના તમામ જીવો લબ્ધિ પર્યાપ્તા જ હોય. પણ લબ્ધિ અપર્યાપ્ત હોય નહિ. કેમકે સ્વયોગ્ય પર્યાપ્તિ પૂર્ણ કર્યા
૯૧
| SR No. | 008960 |
| Book Title | Tarak Tattvagyan |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 186 |
| Language | Gujarati |
| Classification | Book_Gujarati, Philosophy, & Religion |
| File Size | 2 MB |