Page Text
________________
* પરમાધામી દેવો તેને આકાશમાં ઊછાળે છે અને પછી પોતાના ભાલા ઉપર તેમનો કેચ કરી લે છે. ભાલાથી શરીર વીધાતા લોહીની શેરો ઊડે છે. ભયંકર પીડા થાય છે. શરીર પાછું ચોંટીને અખંડ થઈ જાય છે.
બે પગોને ખેંચીને તેમના બે ચીરા કરી નાંખે છે. કરવતથી ઊભા ઊભા વધેરે છે. તાવડીમાં મળે છે. ભઠ્ઠીમાં શેકે છે વગેરે વગેરે રીતે ખૂબ દુઃખ આપે છે.
જેમ વેરાયેલો પારો પાછો ભેગો થઈ જાય તેમ ટૂકડે ટૂકડામાં વહેંચાઈ ગયેલું શરીર પાછું અખંડ થઈ જાય છે. મરવા માંગે તો ય તેઓ મરી શકતા નથી.
વળી પરમાધામી દેવો તેમને વારંવાર પૂર્વભવમાં કરેલા પાપો યાદ કરાવે છે. નારકના જીવને પાપો યાદ આવતાં તે માફી માંગે તો પણ તે દેવો છોડે નહિ. ખૂબ ખૂબ હેરાન કરે.
““દુકાને પુષ્કળ ઘરાકી હતી ત્યારે તે તરસ્યાને માંગવા છતાં ય પાણી નહોતું આપ્યું ને ? લે હવે પાણી પી.” એમ કહીને ધગધગતો સીસાનો રસ પાય. સ્ત્રીમાં આસક્ત બનનારને ધગધગતી લોખંડની પુતળી સાથે પરાણે આલિંગન કરાવે. - જેનામાં આવા દુઃખો સહન કરવાની તાકાત ન હોય તેણે પાપો નહિ કરવાનો સંકલ્પ કરવો જોઈએ. તે માટે સાધુજીવન સ્વીકારવું જોઈએ. પણ જો સાધુ જીવન સ્વીકારી શકાય તેમ ન હોય તો છેવટે બાવ્રતધારી શ્રાવક બનવું જોઈએ. પાપો કરવા જ નહિ – કરવા પડે તો ઓછામાં ઓછા પાપો દુઃખાતા દિલે - વેઠ વાળીને... કરવા. અને પછી તેનું પ્રાયશ્ચિત્ત લેવું જોઈએ.
આ પરમાધામી દેવોને પાપીઓને પાપની સજા ફટકારવાનું કામ કોઈ ઈશ્વરે સોંપ્યું નથી. પણ જેમ આપણી દુનિયામાં પણ કેટલાક માણસોને બીજાને સતાવવામાં મજા આવે છે. તેમ દેવોની દુનિયામાં પણ ભવનપતિ કક્ષામાં એવા કેટલાક દેવો છે કે જેમને આ નારકના જીવોને ત્રાસ આપવામાં આનંદ આવે છે પરમ અત્યંત, અધર્મ કરવામાં જે દેવોને આનંદ આવે છે તે, પરમાધાર્મિક-પરમાધામી દેવો કહેવાય. તેઓ નરકના જીવોને જે ત્રાસ આપે છે, તેનું પાપ તેમને પણ બંધાય જ છે અને તે પાપકર્મના ઉદયે તેમણે પણ દુઃખો ભોગવવા જ પડે.
આપણે જે જંબૂદ્વીપમાં રહીએ છીએ, તેની ચારે બાજુ બે લાખ યોજન વિસ્તારવાળો લવણ-સમુદ્ર (લવણ=બારું મીઠું, ખારા પાણીવાળો સમુદ્ર) આવેલો છે.
- પરમાધામી દેવો પોતાનું આયુષ્ય પૂર્ણ થતાં આ લવણસમુદ્રમાં અંડગૌલિક મનુષ્ય તરીકે ઉત્પન્ન થાય છે. તેમના શરીરના અંડકોશમાં એવી ગોળી હોય છે કે, જો કોઈ મનુષ્ય તે ગોળીને મેળવીને, તેને દોરીમાં પરોવીને, કાન ઉપર લગાડીને સમુદ્રમાં ઊંડે સુધી ડૂબકી લગાવે તો તે ગોળીના પ્રભાવે તેને કોઈપણ જળજંતુ કરડે નહિ અને ઊંડા પાણીમાં પણ પ્રકાશ ફેલાય. બધું જ સ્પષ્ટ દેખાય. અને તે માણસ ડૂબી ન જાય
| SR No. | 008960 |
| Book Title | Tarak Tattvagyan |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 186 |
| Language | Gujarati |
| Classification | Book_Gujarati, Philosophy, & Religion |
| File Size | 2 MB |