________________
દસ મિનિટ પછી થતી વોમીટમાં કેરીના રસની દુર્ગધ પ્રસરતાં અને જુગુપ્સા પેદા કરતા પર્યાયનું પણ દર્શન કરીએ. જે વ્યક્તિને આ વિષ્ઠા કે વોમીટ રૂપ કેરીના રસના પર્યાયોનું પણ દર્શન થાય તે વ્યક્તિને કેરીના રસમાં હવે આસક્તિ શી રીતે પેદા થઈ શકે ? :
સંસારનું પણ જો અધૂરું દર્શન કરવામાં આવે તો જ તે સોહામણો લાગે. પણ જો ચારે ગતિનું પરિભ્રમણ, તેમાં પડતાં દુઃખો, પરસ્પરના સ્વાર્થભર્યા સંબંધો, દગા-ફટકા-પ્રપંચો વગેરેનું પણ જો દર્શન કરવામાં . આવે તો આ સંસાર અસાર લાગ્યા વિના ન રહે. કોઈપણ સમજુ અને ડાહ્યા માણસને આ સંસારમાં એકપણ ક્ષણ રહેવું ગમે નહિ.
પરન્તુ આજે સંસારમાં અનેક જીવો મસ્તીથી રહે છે, સંસારને મીઠો મધૂરો માને છે, તે તેમનું મિથ્યાત્વ છે.
' આ મિથ્યાત્વ નામનું પાપ શલ્ય સમાન છે. શલ્ય એટલે કાંટો. પગમાં ઘૂસી ગયેલો કાંટો જો બહાર કાઢવામાં ન આવે તો સેપ્ટીક થાય. વધુ ઉપેક્ષા કરાય તો ધનૂર થાય. છેવટે મોત પણ થઈ જાય. તેમ આ મિથ્યાત્વ રૂપી શલ્યને જો આત્મામાંથી બહાર કાઢવામાં ન આવે તેં આત્માને દુ:ખમય સંસારમાં ભટકવું પડે. દુર્ગતિઓમાં ટીચાવું પડે.
પણ જેમ કાંટો નીકળી જાય તો પગમાં સ્વસ્થતા આવે છે. સડસડાટ માર્ગ ઉપર પ્રયાણ થાય છે. અને ઈચ્છિત સ્થાને પહોંચી શકાય છે. તેમ જ આ મિથ્યાત્વ નામનો ઘંટો (શલ્ય) આત્મામાંથી નીકળી જાય તો આત્મા સ્વસ્થ બને. ચરિત્ર માર્ગે સડસડાટ પ્રયાણ કરે. અને ઈચ્છિત એવા મોક્ષ પહોંચ્યા વિના ન રહે.
પરમાત્માએ કહેલી વાતોમાં અશ્રદ્ધા કરવાથી આ મિથ્યાત્વ પેદા થાય છે. માટે પરમાત્માની કોઈપણ વાતમાં કદીય અશ્રદ્ધા ન કરવી. •
પ્રાણાતિપાતથી મિથ્યાત્વશલ્ય સુધીના અઢાર પાપસ્થાનકો આપણે વિચાર્યા. આ અઢાર પાપસ્થાનકોથી પાપકર્મોનો બંધ થાય છે. જે પાપકમનો ઉદય થતાં આત્મા ઉપર જાલિમ દુઃખો તુટી પડે છે. જો દુઃખો સહન કરવાની તેવડ ન હોય તો કદી પણ આ અઢારમાંના એકે ય પાપસ્થાનકનો આશરો નથી લેવો તેમ નક્કી કરવું જોઈએ. તે માટે સાધુજીવન સ્વીકાર્યા સિવાય નહિ ચાલે.
