________________
હોય છે. સ્વભાવે જ શાન્ત હોય છે. જીવનમાં પાપાચાર ખાસ હોતા નથી.
' વળી આ યુગલિકકાળમાં ધર્મ પણ હોતો નથી. તીર્થંકર ભગવંતે તે કાળમાં શાસનસ્થાપના કરી નથી. તેથી પૂજા- સામાયિક પ્રતિક્રમણાદિ કે અન્ય કોઈ ક્રિયાકાંડ તે કાળમાં કોઈ કરતું નથી. .
આયુષ્ય પૂર્ણ થવાના છ મહીના બાકી હોય ત્યારે તેઓ એક યુગલને જન્મ આપે છે. ૧લાં આરામાં ૪૯ દિવસ, બીજા આરામાં ૬૪ દિવસ અને ત્રીજા આરામાં ૮૯ દિવસ તે નવા જન્મેલ યુગલનું પાલનપોષણ કરવું પડે છે. તેટલો સમય પસાર થતાં તે યુગલો પોતપોતની રીતે સક્ષમ બની જાય છે.
આ યુગલોને શરીરમાં કદી પણ કોઇપણ પ્રકારના રોગાદિ થતા નથી. આપણને છીંક, બગાસું કે ખાંસી ખાતી વખતે પીડા થતી નથી તેમ મૃત્યુ વખતે તેમને પીડા હોતી નથી.
જીવનમાં પાપાચાર ખાસ ન હોવાના કારણે આ તમામ યુગલિકો મરીને દેવલોકમાં જાય છે.
આ અવસર્પિણી કાળ હોવાથી પડતો કાળ છે. ધીમે ધીમે પૃથ્વીની મીઠાશ ઘટતી જાય છે. કલ્પવૃક્ષ ફળ આપતાં બંધ થાય છે. લોકોમાં પણ કષાયાદિ વધતાં જાય છે. તેથી આ ત્રીજા આરાના છેલ્લા એક પલ્યોપમનો આઠમો ભાગ બાકી રહે ત્યારે કુલકર વ્યવસ્થા શરૂ થાય છે, અર્થાત્ લોકો પોતાના એક મોવડીને નીમે છે, જે કુલકર તરીકે ઓળખાય છે.
આ અવસર્પિણીમાં સૌ પ્રથમ વિમલવાહન' નામના કુલકર થયા. જેનો વંશમાં છેલ્લા કુલકર તરીકે નાભી કુલકર (ઋષભદેવ ભગવાનના પિતા) થયા.
જયારે આ ત્રીજા આરાના ૮૪ લાખ પૂર્વ ને ૮૯ પખવાડિયાં (૧ પૂર્વ=૭૦૫૬૦ અબજ વર્ષો બાકી હોય ત્યારે પ્રથમ તીર્થકર ભગવંતનો જન્મ થાય છે. તે ન્યાયે નાભીરાજાને ત્યાં ઋષભદેવ ભગવાનનો જન્મ થયો. તેઓનું ૮૪ લાખ પૂર્વનું આયુષ્ય હતું. .
તેઓ સૌ પ્રથમ રાજા બન્યા. સ્ત્રીઓની ૬૪ કળા અને પુરૂષોની ૭૨ કળા તેમણે બતાવી. યુગલિક કાળ ખલાસ થયો હોવાથી સામાજિક વ્યવસ્થાઓ તેમણે નિયત કરી. પછી દીક્ષા સ્વીકારીને આ અવસર્પિણી કાળના પ્રથમ સાધુ તેઓ બન્યા. કેવળજ્ઞાન પામીને પ્રથમ ભગવાન પણ તેઓ બન્યા.
