________________
શું આના છે 9
આન્દ્રપ્રદેશના એક ગામડામાં રમણ નામનો બાળક રમતો હતો. થોડીવાર પહેલાં જ ઘરમાંથી પિતાની રજા લઈને તે રમવા નીકળ્યો હતો. અને અચાનક પિતાજી મૃત્યુ પામ્યા. એક પછી એક વ્યક્તિ રમણના ઘરે પિતાની અંતિમક્રિયા માટે આવી રહી છે.
બહાર રમતાં રમણને પોતાના ઘરમાં અનેક વ્યક્તિઓને પ્રવેશતી જોઈ નવાઈ લાગી. તે પણ ઘરમાં પહોંચ્યો. મોટા ભાઈએ કહ્યું, “રમણ ! બાપા ગયા.”
રમણ ચમક્યો. બાપા ક્યાં ગયા? ઘરના અંદરના રૂમમાં જઈને જોયું તો બાપાનું શબ પડયું હતું.
નાનકડો રમણ બધાને કહે છે કે, “બાપા ગયા નથી. બાપા તો આ રહો. મને કેમ ખોટું ખોટું કહો છો કે બાપા ગયા !”
જેને જેને તે પૂછે છે તે બધા પાસેથી એક જ જવાબ મળે છે કે, બાપા ગયા. હવે બાપા અહીં નથી.'
છે તેને બાપાનું શરીર દેખાય છે. સુંદર મજાની બે આંખો દેખાય છે. અણીયાળું નાક તથા લાંબી ગરદન દેખાય છે. તેને સમજાતું નથી કે બાપાનું શરીર અહીં જ પડયું હોવા છતાં ય લોકો “બાપા ગયા” તેવું શા માટે બોલે છે ? -
તેણે બાપાના શરીરને ધારી ધારીને જોવાનું શરૂ કર્યું. બાપા હસતા કેમ નથી? આંખેથી જોતા કેમ નહિ હોય? બાપા હાલતાં - ચાલતાં કે ચસકતાં પણ કેમ નથી?
તે ઊંડા વિચારમાં ગરકાવ થઈ ગયો.
હવે તેને એક જ વાત શોધવાની રઢ લાગી કે “બાપા ગયા” એટલે શું ગયું?
તે ત્યાંથી ભાગ્યો. દોડયો... અને પહોંચ્યો તિરુવન્નામલઈ. ત્યાંના મંદિરમાં રાત્રે ઘુસ્યો. ભોંયરામાં બેસીને ચિંતન કરી રહ્યો છે કે, “બાપા ગયા એટલે શું ગયું ?”
. રાત્રે લાલ કીડીઓ નીકળી, તેના શરીરને ચટકા ભરી ભરીને
