________________
અર્થ : “સર્વ પ્રકારના કુશળ (હિત)ને પેદા કરનારી વેલડી સમાન, પુષ્પરાવર્તના મેઘ સમાન, પાપો રુપી અંધકારને દૂર કરવામાં સૂર્ય સમાન, સંસાર રુપી સમુદ્રમાં (તારનારા) વહાણ સમાન, સર્વ પ્રકારની સંપત્તિઓને પ્રાપ્ત કરાવનાર પાર્શ્વનાથ ભગવાન, શાંતિનાથ ભગવાન સતત કલ્યાણ માટે થાઓ.'
ઉપર પ્રમાણે પરમાત્માની સ્તવના કર્યા પછી સામે રહેલા પરમાત્માનું ચૈત્યવંદન બોલવાનું છે. તે ચૈત્યવંદનોમાં પરમાત્માના ગુણગાન હોય છે. અહીં આપણે પ્રભુ મહાવીરદેવનું ચૈત્યવંદન અર્થસહિત જોઈએ.
મહાવીર પ્રભુનું ચૈત્યવંદન સિદ્ધારથસુત નંદિયે, ત્રિશલાનો જાયો ક્ષત્રિયકુંડમાં અવતર્યો, સુરનરપતિ ગાયો મૃગપતિ લંછન પાઉલે, સાત હાથની કાયા, બોત્તેર વરસનું આઉખું, વીર જિનેશ્વર રાયા!
ખીમા વિજય જિનરાજનો એક ઉત્તમ ગુણ અવદાત | સાત બોલથી વર્ણવ્યો, પદ્મવિજય વિખ્યાત.
અર્થઃ (૧) સિદ્ધાર્થ રાજાના પુત્ર (૨) વીરજિનેશ્વરને વંદન કરીએ; જેઓ (૩) ત્રિશલાદેવીના પુત્ર છે (૪) ક્ષત્રિયકુંડમાં નગરમાં જન્મ્યા હતા ને દેવેન્દ્રો – નરેન્દ્રોએ જેમના ગુણો ગાયા હતા. (૫) જેમનું લંછન સિંહ હતું. (૬) જેમની કાયા ૭ હાથ ઊંચી હતી. (૭) ૭૨ વર્ષના આયુષ્યવાળા હતા આ વીરભગવાવના સુંદર ગુણોને ખીમાવિજયના શિષ્ય જિનવિજયના શિષ્ય ઉત્તમવિજયના શિષ્ય પદ્મવિજયે સાત બોલથી વર્ણવ્યા છે.
(નોંધઃ પૂજ્ય પદ્મવિજયજી મ. સાહેબે ચોવીસે ય ભગવંતોના ચૈત્યવંદનો રચ્યા છે, જે ચોમાસા દેવવંદનમાં આવે છે. તે ચૈત્યવંદનોની વિશેષતા એ છે કે દરેક ભગવંતના ચૈત્યવંદનમાં તે તે ભગવાનની સાતજાતની માહિતી આપેલ છે; જે સાત બોલ તરીકે ઓળખાય છે. તે સાત બોલ આ પ્રમાણે છેઃ (૧) ભગવાનનું નામ (૨) ભગવાનના માતાનું નામ (૩) ભગવાનના પિતાનું નામ (૪) ભગવાનનું જન્મસ્થળ (૫) ભગવાનની ઊંચાઈ (૬) ભગવાનનું આયુષ્ય અને (૭) ભગવાનનું લંછન.જેમની પણ અનુકૂળતા હોય તેમણે આ ચોમાસી દેવવંદનમાંથી ચોવીસેય ભગવાનના ચૈત્યવંદનો ગોખી લેવા જોઈએ. જેથી દર્શન તો બીજા ૪ જજ સૂત્રોના રહસ્યોભાગર જ
