Page Text
________________
શકે તેમ લાગતું નથી !
જેના શરીરમાં આરોગ્ય નથી, કુટુંબમાં સંપ નથી, જીવનમાં શાંતિ નથી, મનમાં પ્રસન્નતા નથી, તે વ્યક્તિ સંપત્તિઓના ઢગલા કે સામગ્રીઓના ખડકલા વચ્ચે રહેતી હોય તો ય તેને સુખી શી રીતે કહી શકાય? તે સમાધિ શી રીતે પામી શકશે? તેના કરતાં તો પેલો ગામડીયો-આધુનિક સાધન સામગ્રી વિનાનો ગરીબ વધુ સુખી-શાંત અને સમાધિમય જણાય છે કે જેના શરીરમાં આરોગ્ય છે, જીવનમાં શાંતિ છે, મનમાં પ્રસન્નતા છે ને કુટુંબમાં સંપ છે.
જે વ્યક્તિ માત-પિતાદિના આશીર્વાદ લેતી નથી, તેમની આંતરડીને ઠારવાની વાત તો દૂર હો પણ કકળાવે છે, ત્રાસ આપે છે, તેમના ઉનાં ઉનાં નિસાસા લે છે, તે વ્યક્તિ બધી સુખ-સામગ્રીની રેલમછેલ વચ્ચે પણ પ્રસન્ન બની શકતી નથી. તેના ડાઈનીંગ ટેબલ ઉપર ભાવતા ભોજનના ઢગલા થવા છતાંય તેને ભૂખ લાગતી નથી ! ડનલોપની ગાદી મળવા છતાં ય તેની આંખમાં ઊંઘ આવતી નથી ! પત્ની તથા બે-ત્રણ બાળકોનો પરિવાર હોવા છતાં ય સતત કલેશ, કજિયા અને કંકાસમાં તેના દિવસો કદાચ પસાર થતા હોય છે !
જીવનમાં સાચું સુખ પામવું છે? ભૌતિક સમૃદ્ધિના ચાર પાયા-શરીરમાં આરોગ્ય-કુટુંબમાં સંપ-જીવનમાં શાંતિ અને મનમાં પ્રસન્નતા-પામવા છે? તો માતા-પિતાની આંતરડી કદી ય કકળાવશો નહિ. તેમની ઇચ્છાવિરુદ્ધના કોઈ કાર્ય કરવા નહિ. તેમની પ્રસન્નતા વધારવાના જ તમામ પ્રયત્નો કરવા. કદી પણ તેમના શબ્દોને અવગણવા નહિ. તેમણે પોતાના શબ્દો મોઢામાં જ ગળી ખાવા પડે તેવી પરિસ્થિતિ પેદા કરવી નહિ. કહેવાતા નુકસાનને વેઠી લઈને ય તેમની ઇચ્છાને પૂર્ણ કરવાના પ્રયત્નો કરવા.
બે આંખમાં સળિયા ઘોંચી દઈને ય પિતાની આજ્ઞાનું પાલન કરનારા કુણાલની વાત ક્યાં આપણાથી અજાણી છે?
પોતાનો અધિકાર હોવા છતાં ય, માત-પિતાની આજ્ઞા ખાતર વનમાં ચાલી જતા રામની વાત ભૂલી તો નથી ગયા ને?
૬૮ તીરથની યાત્રા કરવાની માત-પિતાને પેદા થયેલી ઈચ્છાને પૂર્ણ કરવા કાવડમાં બેસાડીને માતા-પિતાને યાત્રા કરાવતાં શ્રવણની કથા યાદ તો છે ને?
માત-પિતાએ જે ઉપકાર કર્યા છે, તેને જો જરાક નજરમાં લાવી દઈશું તો તેમની ગમે તેવી ઇચ્છાને પૂર્ણ કરવા તમામ પ્રયત્નો કર્યા વિના નહિ રહી શકીએ. આપણે જ્યારે ગર્ભમાં આવ્યા ત્યારે જ તેમણે ગર્ભપાત કરાવી દીધો હોત
૬૫ હજાર સૂત્રોના રહસ્યોભાગ-૨ )
| SR No. | 008959 |
| Book Title | Sutrona Rahasyo Part 2 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 118 |
| Language | Gujarati |
| Classification | Book_Gujarati & Religion |
| File Size | 3 MB |