________________
પરંતુ બધા જૈનોની માનસિક સ્થિતિ આ ન પણ હોય. વિશેષ સત્ત્વ ન હોવાના કારણે જેઓ આવનારા દુઃખોમાં ડગમગવા લાગે તેમ હોય, તેઓ જો આવી ઉવસગ્ગહર સ્તોત્રનો પાઠ કરે, તો તેમના વિઘ્નો દૂર થવાની પૂરેપૂરી શક્યતા છે. પણ વિપ્નનાશ માટે અન્ય દેવ-દેવીઓની આરાધના કરવી જરા ય ઉચિત નથી.
આ સૂત્રમાં પરમાત્મા પાર્શ્વનાથ ભગવાનની સ્તવના કરવામાં આવી છે. તેથી ચૈત્યવંદનમાં આ સૂત્ર સ્તવન તરીકે પણ બોલી શકાય છે.
* (૧) શાસ્ત્રીય નામ : ઉપસર્ગહર સૂત્ર * (૨) લોક-પ્રસિદ્ધ નામ: ઉવસગ્ગહર સ્તોત્ર
*(૩) વિષયઃ ધર્મમાર્ગમાં અંતરાયભૂત થતાં ધાર્મિક કે સાંસારિક વિઘ્નોના નિવારણની પ્રાર્થના-ગર્ભિત પાર્શ્વનાથ ભગવાનની સ્તવના.
* (૪) મહત્ત્વનો ફલિતાર્થ :
દુઃખોને દૂર કરવાની તાકાત પરમાત્માની સ્તવનામાં છે. તેને છોડીને દુઃખી દૂર કરવા આમ તેમ ભટકવાની કોઈ જરૂર નથી.
દુઃખો ભલે ખરાબ લાગતાં હોય, પણ હકીકતમાં તો દુઃખો કરતાં ય વધારે ભયંકર દુર્ગતિઓ છે. આવી દુર્ગતિઓમાં જતાં અટકાવવાની તાકાત પણ પરમાત્માની સ્તવનામાં છે.
જો દુઃખ અને દુર્ગતિ ખરાબ હોય, તો સદ્ગતિ પણ કાંઈ સારી નથી. તે ય છોડવા જેવી છે, માટે ચારે ગતિમાંથી કોઈપણ ગતિમાં જન્મ લેવો એ ભયંકર છે. જો હવે મેળવવા જેવું કાંઈ હોય તો તે છે એક માત્ર મોક્ષ.
જો આ પાંચમી મોક્ષગતિ મળી જાય તો બેડો પાર થઈ જાય. દુઃખ, દુર્ગતિ, સદ્ગતિ, બધું ટળી જાય. જન્મ-જરા-મરણની ઘટમાળમાંથી મુક્તિ મળી જાય.
તેથી પરમાત્મા પાસે દુ:ખ કે દુર્ગતિના નિવારણના બદલે મોક્ષગતિ પ્રાપ્ત કરવાની માંગણી કરવી જોઈએ.
| ** (૫) ઉચ્ચાર વગેરે અંગે સૂચનો : * જોડાક્ષરો બોલતી વખતે બરોબર ધ્યાન રાખવું.
* મહાયસ ! દેવ ! પાસ-જિણચંદ ! આ બધાંય સંબોધન રુપે પદો છે, તેથી તે પદોને તે રીતે બોલવા.
તરફ જ ૩૯ સૂત્રોનારોભાગ-૨ )
