________________
| સૂત્ર-૧૭ (ક) સોલિસ પરમેષ્ઠિર નમક કાર સૂત્ર
Hનમોડહંતુ સૂત્ર ભૂમિકા : માનવ જીવનને સફળ બનાવવા માટેનો જો કોઈ જરુરી ગુણ હોય તો તે છે પાપભીરુતા. પાપનો સતત ડર.
જિનશાસનને પામેલો આત્મા ડગલે ને પગલે પાપથી ડરતો હોય, કારણ કે તેને સામે પરલોક દેખાતો હોય. મોક્ષ ન મળે તો ત્યાં સુધી પરભવે દુર્ગતિ તો નથી જ જોઈતી, તેવો તેનો નિશ્ચય હોય.દુર્ગતિ ન થઈ જાય તે માટે પળે પળે તે જાગ્રત હોય. એક પણ પાપ ન થઈ જાય તેની કાળજી લેતો હોય; કેમ કે જે પાપ કરે તે દુર્ગતિમાં જતો શી રીતે અટકી શકે?
આવા પાપભીરુતા ગુણને જીવનમાં પેદા કરવાનો સંદેશ આપતું આ સૂત્ર છે. આ નમોહત્ સૂત્ર કહે છે કે કોઈ કદી પાપ કરશો મા ! ભૂલમાં જો કોઈ પાપ થઈ જાય તો તેનાથી અટક્યા વિના ન રહેજો થઈગયેલા પાપોનો ભરપૂર પશ્ચાત્તાપ કરજો. ના, માત્ર પશ્ચાત્તાપ કરીને અટકી ન જતા; પણ ગુરુ ભગવંત પાસે જઈને તેની શુદ્ધિ કરજો. તેમણે આપેલા પ્રાયશ્ચિત્તને જલદીથી વહન કરજો. ફરી તેવા પાપો થઈ ન જાય તેવા પચ્ચખાણ કરજો.
આ પશ્ચાત્તાપ - પ્રાયશ્ચિત અને પચ્ચખાણની ત્રિપુટી આપણા જીવનનું કલ્યાણ કરનારી માસ્ટર કી છે. જેની પાસે આ ત્રિપુટી આવી ગઈ, તેનું માનવજીવન સફળ થઈ ગયું. તેના આત્માનું કલ્યાણ થઈ ગયું.
મહાતાર્કિક, મહાબુદ્ધિશાળી, પ્રખર સાહિત્યકાર, શાસનપ્રભાવક, સિદ્ધસેન દિવાકર સૂરીશ્વરજી નામના મહારાજસાહેબ થઈ ગયા.
એક દિવસ તેમને થયું કે આપણા સૂત્રો સાવ સામાન્ય ગણાય તેવી પ્રાકૃત ભાષામાં કેમ રચાયા હશે? આ બરોબર થયું જણાતું નથી, લાવ ! હું તેને સંસ્કૃત ભાષામાં ફેરવી દઉં. બધા સૂત્રો સંસ્કૃત ભાષામાં હોય તો તેનો પ્રભાવ ઘણો પડે.
પોતાને આવેલા આ વિચારનો અમલ કરવા તેમણે નવકાર મહામંત્રના પ્રથમ પાંચ પદોનું સંસ્કૃતમાં રુપાંતર કરીને જે એક સંક્ષિપ્ત સૂત્ર બનાવ્યું તે જ આ નમોડઈત્ સૂત્ર.
હરિ ૩૪ વાર સૂત્રોના રહસ્યોભાગ-૨
