Page Text
________________
પામીને ધર્મતીર્થની સ્થાપના કરી. જીવોના કલ્યાણનો માર્ગ પ્રકાશિત કર્યો. આમ, કલ્યાણ રુપ વૃક્ષનું મૂળ પરમાત્મા ઋષભદેવ બન્યા. તેમને ઉછળતા હૃદયે વંદના કરવી જોઈએ, કારણ કે આ કાળના પ્રથમ ઉપકારી તેઓ છે.
પૂર્વના મેધરથ તરીકેના ભવમાં પોતાના સમગ્ર શરીરનું માંસ આપી દઈને, પારેવાની રક્ષા કરવાનો જેમણે પ્રયત્ન કર્યો, તે વખતે બાજપક્ષીને પણ શાંતિ આપવાની જેમની ભાવના હતી, તે સર્વ જીવોની શાંતિ કરનારા શાંતિનાથ ભગવાનને પણ વંદના કરવામાં આવી છે.
આત્મસાધનાના માર્ગે ડગ ભરવામાં રુકાવટ કરાવે છે મૈથુન સંજ્ઞા. કામવાસનાની તીવ્રતા સાધના કરવા દેતી નથી. આ કામવાસનાનો કચ્ચરધાણ બોલાવનાર બાળબ્રહ્મચારી નેમીનાથ ભગવાનને પણ ભાવભરી વંદના કરવાની છે.
પૂર્વના દેવભવમાં તીર્થંકર ભગવંતોના ૫૦૦ કલ્યાણકોની ઉજવણી કરીને વિશિષ્ટ પુણ્યોદયના જેઓ સ્વામી બનેલા, જેમના શાસનમાં આરાધના કરીને દેવ-દેવી બનેલા આત્માઓ પોતાના ઉપકારી ભગવંતની ભક્તિ કરનારા ભક્તોના સંકટો ચૂરવા માટે સતત જાગ્રત છે, તે ત્રણ ભુવનમાં પ્રકાશ કરનારા અને સદ્ગુણોના સ્થાન રુપ પાર્શ્વનાથ ભગવંતને ભાવથી વંદના કરીએ.
અને જેઓ આપણા અત્યંત ઉપકારી છે, જેમના શાસનમાં આપણે આરાધના કરી રહ્યા છીએ; તે મહાવીરસ્વામીભગવંત કે જેમનું બાળવયમાં નામ વર્ધમાનસ્વામી હતું; તેમને ગદ્ગદ્ થઈને ભાવભરી વંદના કરીએ.
બીજી ગાથા :
.....
અપાર સંસાર સમુદ્દે પારંપત્તા.
સંસાર સમુદ્ર સમાન છે. જેમ સમુદ્ર અગાધ હોય છે, ઊંડો હોય છે, જેનો પાર પામવો મુશ્કેલ હોય છે, જેમાં જળચર પ્રાણીઓ હોય છે, જે ભલભલાને મોતને ઘાટ ઉતારવા સમર્થ હોય છે, વળી સમુદ્રમાં જે પડે, તે ડૂબી જાય છે; બહાર નીકળવું તેના માટે મુશ્કેલ બને છે; તેમ આ સંસારનું પણ છે.
સંસારમાં ૮૪ લાખ તો યોનીઓ છે. જેમાં જીવને જન્મ-જીવન-મરણની જંજાળમાં સપડાવું પડે છે. આ સંસાર રુપી સમુદ્રનો કોઈ છેડો જ દેખાતો નથી. જેમ તેમાંથી બહાર નીકળવાની મહેનત જીવ કરે, તેમ તેમ તે વધુને વધુ તેમાં ખૂંપતો જાય છે. કો'ક પુણ્યશાળી આત્મા જ વિશિષ્ટ સાધના કરીને સંસારને પેલ
૧૦૬ કા સૂત્રોના રહસ્યોભાગ-૨ વા
| SR No. | 008959 |
| Book Title | Sutrona Rahasyo Part 2 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 118 |
| Language | Gujarati |
| Classification | Book_Gujarati & Religion |
| File Size | 3 MB |