Page Text
________________
પછી તે વખતે તે; દુકાનમાં હોય કે ઘરે હોય! જમતો હોય કે સંડાસમાં હોય ! માંદો હોય કે સાવ સાજો હોય ! સંસારી હોય કે સાધુ હોય ! ચોરી કરતો હોય કે ચોરી કરનારને સજા કરતો હોય ! આયુષ્યકર્મ જે સમયે પૂર્ણ થાય તે જ સમયે તેને બીજા ભવમાં ચાલ્યા જવું પડે.
હજુ તો કપાળ ઉપર ઘીના લચકાં મૂકાતાં હોય, નાકમાં રૂના પૂમડાં મૂકાતા હોય, જીવે છે કે મરે છે? તેની ચકાસણી ચાલતી હોય, તે પહેલાં તો આત્મા નીકળીને બીજા ભવમાં ઉત્પન્ન પણ થઈ ગયો હોય!
પાકી ખાતરી થતાં, રો-કકળ શરૂ થઈ હોય, બધાને સમાચાર પહોંચાડાતા હોય, બધા ભેગા થતાં હોય, દીકરા-દીકરીઓ બહારગામથી આવી રહ્યા હોય, મૃતકને હજુ તો કાલે કાઢવાના હોય, એટલે શું એમ સમજવાનું કે હજુ અગ્નિસંસ્કાર નથી થયો માટે તેનો આત્મા બીજે જન્મ્યો જ નથી?
અગ્નિસંસ્કાર તરત કરાય કે દસ દિવસ પછી કરાય; આત્મા તો એકભવમાંથી નીકળ્યા પછી વધુમાં વધુ પાંચ સમયમાં બીજી જગ્યાએ ઉત્પન્ન થઈ જ જાય છે. આ ભવમાં જે ભવનું આયુષ્યકર્મ બાંધ્યું હોય, તે ભવમાં પહોંચી જાય છે. આ ભવના મૃત્યુના બીજા જ સમયે આવતાભવનું આયુષ્યકર્મ ઉદયમાં આવી જાય છે. નવાભવની ઉંમરની ગણત્રી શરૂ થઈ જાય છે.
આ આયુષ્યકર્મ ચાર પ્રકારનું છે. (૧) દેવ આયુષ્ય કર્મ. (૨) મનુષ્ય આયુષ્ય કર્મ (૩) તિર્યંચ આયુષ્ય કર્મ અને (૪) નરક આયુષ્ય કર્મ.
જે આયુષ્યકર્મ બાંધ્યું હોય, તે ગતિમાં તે જીવને તેટલો સમય જકડાઈને રહેવું જ પડે છે. તે ઈચ્છે કે ન ઈચ્છે, તેનું પોતાનું કાંઈ જ ચાલતું નથી. અનંતી શક્તિનો સ્વામી આ આત્મા આયુષ્યકર્મનો ગુલામ બનીને તેના કહ્યા પ્રમાણે તે ગતિના શરીરમાં કેદીની જેમ સપડાઈ રહે છે. માટે આયુષ્યકમને શાસ્ત્રોમાં બેડી જેવું જણાવેલ છે.
જેમ કોઈ ડાકુ કે ગુંડાએ ચોરી, ખૂન કે, લૂંટફાટ કરી હોય અને પકડાઈ જાય તો તેના હાથ - પગમાં લોખંડની બેડીઓ નાંખવામાં આવે, તેને જેલના સળીયા પાછળ ધકેલી દેવામાં આવે, જેટલા વર્ષની સજા નક્કી કરવામાં આવે તેટલો સમય તેણે જેલમાં રહેવું જ પડે. તે ગમે તેટલા ધમપછાડા કરે તો પણ છટકી ન શકે તેવો ચાંપતો બંદોબસ્ત હોય. ઈચ્છે કે ન ઈચ્છે, તેણે તેટલા વરસતો પરાધીન અવસ્થામાં પસાર કરવા જ પડે.
તે જ રીતે આત્માને પણ પોતે જેટલા વર્ષનું આયુષ્યકર્મ બાંધ્યું હોય તેટલા વરસ સુધી આ શરીર રૂપી જેલમાં બંધાઈને રહેવું જ પડે. આત્મા માટે શરીર એ જેલ છે. જ્યાં આયુષ્યકર્મ પૂર્ણ થાય કે તરત જ આ શરીર રૂપી જેલમાંથી તેનો છૂટકારો થઈ જાય.
wn
છે.'
ourisitors
T
wit;
:11
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |