Page Text
________________
ચેનલો વગેરે જોવાનો સદંતર ત્યાગ કરી દેવો જોઈએ. અશ્લીલ પુસ્તકો, મેગેઝીનો વગેરે વાંચવાનું બંધ કરી દેવું જોઈએ. તેવી વાતો કરનારા મિત્રવર્તુળથી સો યોજન દૂર રહેવું જોઈએ. વાસનાને જગાડનારા માદક ભોજનનો ત્યાગ કરવો જોઈએ. સાત્ત્વિક આહાર, સંસ્કારી મિત્રો અને સુંદર સાહિત્યનું સેવન કરવું જોઈએ. પરમપિતા પરમાત્મા અને તારક ગુરુભગવંતનો અનુગ્રહ પ્રાપ્ત કરવા તેમની ભાવવિભોર બનીને ભક્તિ કરવી જોઈએ. તે પ્રમાણે કરવાથી આ વેદમોહનીયના ઉદયને સંયમમાં રાખવાની પુષ્કળ તાકાત પ્રાપ્ત થશે. - સોળ કષાય અને નવ નોકષાય મળીને ચારિત્ર મોહનીય કર્મના પચીસ પ્રકાર થયા. તેમાં દર્શન મોહનીય કર્મના ત્રણ પેટાભેદ (મિથ્યાત્વ-મિશ્ર -સમક્તિ મોહનીય) ઉમેરતાં અઠ્ઠાવીસ ભેદ મોહનીય કર્મના થયા. તેને ખલાસ કરવાની આપણે સાધના કરવાની છે. આ મોહનીય કર્મ સંપૂર્ણ ખતમ થાય કે તરત જ આપણે વીતરાગ બની જઈએ. અંતર્મુહૂર્તમાં આપણને ધર્મસત્તા તરફથી કેવળજ્ઞાન- કેવળદર્શનની ભેટ મળતાં આપણે સર્વજ્ઞ બનીએ. ટૂંક સમયમાં બાકીનાં કર્મો ખતમ થતાં આપણને આપણો પ્યારો મોક્ષ મળી જાય.
જિનશાસનમાં આત્માના વિકાસની સાધના ચૌદગુણસ્થાનક તરીકે પ્રસિદ્ધ છે. તેમાં મુખ્યત્વે રાગ - દ્વેષ - મોહ-મમતા - કષાયોને ત્યાગવાની જ સાધના કરવાની હોય છે. મોહનીયકર્મની પ્રબળતાથી સંસારમાં પરિભ્રમણ છે. મોહનીયકર્મના નાશમાં મોક્ષની પ્રાપ્તિ છે.
જેમ જેમ મોહનીયકર્મ ઓછું થાય તેમ તેમ આત્મા આ ચૌદ ગુણસ્થાનકના ૧૪ પગથિયામાં ઉપર ઉપર ચડતો જાય.
અનંતાનુબંધી કષાયો શાંત પડે એટલે ચોથા પગથિયે (ગુણસ્થાને પહોંચાય. અપ્રત્યાખ્યાન કષાયો શાંત પડે એટલે પાંચમા પગથિયે, પ્રત્યાખ્યાનીય કષાયો શાંત પડે એટલે છઠ્ઠા પગથિયે પહોચે. મોહનીયકર્મનો ક્ષય કરવાની સાધના રૂપ શ્રેણીમાં આગળ વધે, નોકષાયો ખપે એટલે દસમે પગથિયે પહોંચે. સંજવલન લોભ ક્ષય પામે એટલે બારમે પગથિયે પહોંચે. વીતરાગબને. વીતરાગ બનતાં માત્ર એક જ અંતર્મુહૂર્તમાં ધર્મસત્તા તરફથી કેવળજ્ઞાન - કેવળદર્શનની ભેટ મળે. મોક્ષની પ્રાપ્તિ થયા વિના ન રહે.
આમ કેવળજ્ઞાન મેળવવા પણ ભણવાની જરૂર નથી. તે માટે તો મોહનીયકર્મ ખપાવવાની જરૂર છે. મોક્ષ મેળવવા પણ મોહનીયકમને ખલાસ કરવાની સાધના કરવાની જરૂર છે.
આમ, મોહક્ષયની સાધના એ જ ઉત્તમ સાધના છે. આ સાધનાને જ જીવનમાં અપનાવવાની છે..
=
==+
== #
=
ન
::
+= +=+
, - witty with
૨ ભાગ-૧
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |