Page Text
________________
દુશ્મનાવટ ધારણ કરે છે, તે આ મિથ્યાત્વ મોહનીય કર્મ બાંધે છે. ગોશાલાએ તો પરમાત્માને શત્રુ માનીને તેમને ખલાસ કરવા તેજોવેશ્યા છોડી હતી. જેમાલીએ પણ પરમાત્માની ઠેર ઠેર નિંદા કરવામાં જરી ય કમી નહોતી રાખી. - પરમ પિતા પરમાત્માના શાસનના સાધુ-સાધ્વીજી ભગવંતોની પણ જેઓ નિંદા કરે છે, શત્રુતા રાખે છે, તેમની સામે પડે છે, તેમનો દ્રોહ કરે છે, તેઓ પણ મિથ્યાત્વ મોહનીય કર્મ બાંધે છે.
જૈન સાધુ- સાધ્વીઓ તો નહાતા ય નથી. છી... છી...છી...!! કેવા ગંદા છે! કેવાં મેલાં કપડાં પહેરે છે ! શરીરમાંથી વાસ મારે છે ! કોણ જાય આવા મેલાં ઘેલાં સાધુઓ પાસે!! આવી રીતે અજૈનો તો નિંદા કરતા હોય છે, પણ ક્યારેક તો જૈનો પણ તેમાં સાથ પુરાવતાં હોય છે! ગુરુભગવંતોની આચારમર્યાદા સમજવાનો પ્રયત્ન કરવો તો દૂર રહ્યો પણ નાહકની ટીકા-ટીપ્પણી કરીને થોકબંધ, મિથ્યાત્વમોહનીય કર્મ પેદા કરવાના મરવાના ધંધા કરે છે! કોણ સમજાવે તેમને?
જિનેશ્વર પરમાત્માના દેરાસર, પ્રતિમા વગેરેની નિંદા, ટીકા કે તિરસ્કારપૂર્ણ શબ્દો બોલીને આશાતના કરનારા પણ મિથ્યાત્વમોહનીય કર્મબાંધે છે. વર્તમાનકાળમાં આવું કરનારાં ઘણાં જોવા મળે છે. પૈસા પથ્થરમાં શું નાંખો છો? પ્રતિમા તો પથ્થર છે, પથ્થર! તેને શું પૂજવાની? જો પથ્થરની ગાય દૂધ આપે તો પથ્થરની મૂર્તિ મોક્ષ આપે! માનવને ખવડાવો પીવડાવો ને? દેરાસરના પથ્થરમાં કેમ પૈસા ખર્ચો છો? વગેરે.
આવું વિચારાય કે બોલાય પણ નહિ... બીજાને આવો ઉપદેશ પણ કરી શકાય નહિ. આવું કરનાર પોતાને તો મોક્ષથી દૂર કરે છે, પણ સાથે સાથે બીજા ઘણા અબૂઝ આત્માઓને પણ ઉન્માર્ગે ઢસડી જઈને મિથ્યાત્વી બનાવવાનું ઘોર પાતક કરે છે.
સંસારના સુખોને અસાર સમજીને જેણે સમગ્ર સંસારનો ત્યાગ કરી દીધો છે, તે મુનિઓ સંસાર પ્રત્યેની આસક્તિ વધે તેવો તો ઉપદેશ આપે નહિ. સામેની વ્યક્તિને મોક્ષ માર્ગે ચઢાવવાના આશયને એક બાજુ મૂકી દઈને, સંસાર પ્રત્યે તીવ્ર આસક્તિ પેદા થાય તેવો ઉપદેશ – પ્રેરણા કરનારા પણ આ મિથ્યાત્વ મોહનીય કર્મ બાંધે છે.
સમ્યગ દર્શન, સમ્યમ્ જ્ઞાન, સમ્યફ ચારિત્ર એ મોક્ષનો માર્ગ છે. આ માર્ગને દૂષિત કરવાનું કામ કેટલાક લોકો કરતા હોય છે. વિપશ્યના વગેરે ધ્યાનના નામે, એકાંત નિશ્ચયનયતરફના ઝોકના કારણે, વ્યવહાર, ક્રિયા વગેરે તરફના અણગમાના કારણે આચાર માર્ગને ઉથલાવવાના પ્રયત્નો તેમના દ્વારા જાયે - અજાણ્ય થઈ જતા હોય છે. રત્નત્રયી રૂપ મોક્ષમાર્ગને દુષિત કરવાના કારણે તેઓ મિથ્યાત્વ મોહનીય કર્મ બાંધતાં હોય છે.
I225
its:
૨ ભાગ-૨
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |