Page Text
________________
સ્વરૂપે છે, તે સ્વરૂપને કેવળજ્ઞાન વડે જોઈને પરમાત્મા આપણને બતાડે છે.
મેં કે તમે કરેલાં સારા કે ખરાબ કર્મો અનુસાર માટે કે તમારે સુખદુ:ખનો અનુભવ કરવો પડે છે.
હ ! પરમાત્માની ભક્તિ કરવાથી, આપણા હૃદયમાં ઊછળતા કૃતજ્ઞતા-બહુમાન વગેરેના ભાવોથી પાપકર્મો નાશ પામે છે, પુણ્યકર્મ બંધાય છે. પરિણામે દુઃખો દૂર થાય છે. સુખની પ્રાપ્તિ થાય છે.
કો'કને સુખી તો કો' કને દુઃખી, કો'કને રાગી તો કો'કને દ્વેષી, કો'કને ક્રોધી તો કો'કને કામી, કો'કને પંડિત તો કો'કને જડ, કોકને દેખતો તો કો'કને આંધળો બનાવવાનું કામ કર્મો કરે છે.
કર્મો ભલે જડ છે. છતાંય તેઓ ચેતન એવા આત્મા ઉપર અસર બતાવી શકે છે. - રમણ ખૂબ ડાહ્યો છોકરો હતો. સુંદર મજાના તેના સંસ્કારો હતા. પણ એકવાર તેને ખરાબ મિત્રનો કુસંગ થઇ ગયો. જીવન તેનું ખોટા રસ્તે ચડી ગયું. મિત્રોના આગ્રહથી તેણે એકવાર દારૂ પણ પીધો.
તેની ઉપર તરત જ દારૂની અસર થઇ. શરીર લથડિયાં ખાવા લાગ્યું. હાવ-ભાવ પલટાઈ ગયા. મુખમાંથી લવારા નીકળવા લાગ્યા. વિવેક બધો વિસરાઈ ગયો. ભાન ભૂલેલો રમણ ન કરવા જેવાં કાર્યો કરવા લાગ્યો.
અરે ભાઈ ! મહાસંસ્કારી આ રમણની આવી હાલત આજે કેમ થઈ ગઈ ? કુસંગે તો આખું જીવન બરબાદ કર્યું પણ આજે જે લથડિયા મારતી હાલત જણાય છે તે તો દારૂની અસર છે ને?
તો શું દારૂ માણસ ઉપર આટલી બધી ખરાબ અસર કરી શકે? દારૂ તો જડપદાર્થ છે. જયારે માણસ તો ચેતન છે. આત્મા છે. જડપદાર્થની ચેતન પદાર્થ ઉપર અસર
થાય ?
પણ દારૂની અસર દેખાય તો છે જ. તેને માન્યા વિના કોઇથીય ચાલે તેમ નથી. અરે ! ચશમા પણ જડ જ છે ને? છતાં તે માણસ ઉપર ક્યાં અસર નથી કરતાં? ચમા કાઢી દો તો ન દેખાય. ચશ્મા પહેરો તો દેખાવાનું ચાલુ થાય. આ છે ચશ્માની અસર !
હરડે લઈએ તો તરત રેચ છૂટે છે. દવા લેતાંની સાથે માથાનો દુઃખાનો દૂર થાય છે. આમ દુનિયામાં એવા ઢગલાબંધ જડ પદાર્થો છે, કે જેની અસર ચેતન એવા આત્મા ઉપર થાય જ છે. તે જ રીતે કર્મો પણ જડ હોવા છતાં આત્મા ઉપર અસર બતાડ્યા વિના રહેતાં નથી.
જે આત્મા રાગ કે દ્વેષથી જેવા પ્રકારનાં વિચારો, ઉચ્ચારો અને આચારો સેવે, તે રીતનાં તે કમ બાંધે. સારા વિચાર ઉચ્ચાર અને વર્તનથી સારા કર્મો બંધાય, જે જીવનમાં
જ ર ક કર્મનું કમ્યુટર ભાગ-૨
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |