Page Text
________________
તેમની જાણમાં આવી. સંસારની આ અસારતા જાણી ઘૂણૂકરીને તેઓ ઘૂંક્યા. આ દેશ્ય મહેશ્વરદત્તની નજર બહાર ન ગયું. તેને નવાઈ લાગી. જૈન સાધુઓ મારી તરફ જોઈને કેમ થંક્યા? તેઓ કોઈ પણ કાર્ય પ્રયોજન વિના ન જ કરે. નક્કી અહીં કાંઈક અજુગતું થઈ રહ્યું છે. તે સિવાય આવું ન બને.
પણ શું અજુગતું થઈ રહ્યું છે? તે મને તો સમજાતું નથી. તો લાવ, તેમને જ પૂછું. જૈન સાધુઓ કદી પણ જૂઠ તો બોલે જ નહિ.
જમવાનું છોડી, છોકરાને નીચે મૂકીને તે દોડીને પહોંચ્યો જૈનમુનિઓ પાસે. બે હાથ જોડીને, તેણે કારણ પૂછ્યું.
લાભ થવાની શક્યતા જાણીને, તે મુનિઓએ તેને પૂર્વની બધી વાત કરી. તે સાંભળતાં તેને સખત આઘાત લાગ્યો.
અરરર! પિતાનું શ્રાદ્ધ કરવા દ્વારા પિતાની ભક્તિ કરી રહ્યો છું તેવું માનીને મેં પોતે જ મારા પિતાનો વધ કર્યો! તેમનું માંસ ખાધું! મા રૂપી કૂતરીને લાકડીઓ મારી! સગી માએ પોતાનાં પતિનાં હાડકાં - લોહી ચાટ્યાં ! અને હુંય કેવો મોહાધીન ! મારી પત્નીના માશૂક પરપુરુષને એકવાર મારનારો ! આજે તે પરપુરુષથી જ પેદા થયેલા તેને મેં મારો દીકરો માન્યો! તેના પેશાબને ચાટ્યો!
ધિક્કાર છે મને ! ધિક્કાર છે મારી મોહાધીનતાને!
અને.... મહેશ્વરદત્તને વૈરાગ્ય પેદા થયો. મોહનીય કર્મની સામે તેણે વળતો હુમલો શરુ કર્યો. સંસાર સોહામણો છે, તેવી ભ્રમણા તેની ટળી ગઈ. સંસારના વાઘા ઉતારીને સાધુજીવનનો વેશ તેણે સ્વીકાર્યો. આત્માનું કલ્યાણ સાધ્યું.
આપણા જીવનનું સર્જન આપણે કેવું કરવું? તેનો આધાર મુખ્યત્વે આપણા તન અને મન પર છે. તનનો વિષય છે આચાર, તો મનનો વિષય છે વિચાર. આપણા વિચારો અને આચારો જેટલા ઊંચાં, પવિત્ર, વિશાળ, ઉદાર તેટલું આપણું જીવન મહાન બને. આચાર - વિચારમાં જેટલી નબળાઈ, તેટલા અંશે જીવન પણ નબળું બને.
આ તન, મનના આચાર અને વિચાર સાથે મોહનીયકર્મનો ગાઢ સંબંધ છે. પવિત્ર આચાર અને વિચારનું શરણું સ્વીકારીને કોઈ આત્મા પોતાની સંસાર રૂપ છાવણીમાંથી છટકી ન જાય તેની કાળજી આ મહરાજ સતત લેતો રહે છે.
પવિત્ર વિચાર અને આચારનું જીવનમાં ઉત્થાન જ ન થાય તેની કાળજી લેનારા આ મોહરાજને જયારે ખ્યાલ આવે કે મારી જરાક ગફલતમાં અમુક આત્મા સત્સંગના પ્રભાવે વિચારોથી પવિત્ર બની રહ્યો છે, તો તે તેનાથી સહન થતું નથી. તરત જ ગેરીલા પદ્ધતિથી હુમલાઓ કરીને તે આત્માને પવિત્ર વિચારોથી ભ્રષ્ટ કરવાનો તેનો પ્રયત્ન Baaa
૩૮ ૪ કર્મનું કમ્યુટર ભાગ-૨ :
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |