Page Text
________________
તેણે પોતાના ખાસ સેનાપતિને બોલાવીને આજ્ઞા કરી કે, “તમારે એક કામ કરવાનું છે. ૨૦૦ સૈનિકોએ ખુલ્લી તલવાર સાથે, ખાળકુઈની ચારે બાજુ ગોઠવવાના. જો આજથી સાતમા દિને સંન્યાસીના કહેવા પ્રમાણે મારું મોત થાય તો નક્કી તરત હું તે ખાળકૂઈમાં પંચરંગી કીડા તરીકે પેદા થવાનો. તે વખતે તે સૈનિકોએ પંચરંગી કીડા તરીકે પેદા થયેલા મને તરત જ મારી નાંખવાનો. જેથી ત્યાંથી મરીને તો મને સ્વર્ગ મળે ! વળી, ખાળકૂઈના પંચરંગી કીડા તરીકેનું અત્યંત હલકુ ને દુઃખમય જીવન હું કોઈ પણ સંયોગમાં જીવી શકું તેમ નથી.”
સેનાધિપતિએ વાત સ્વીકારી. સાતમા દિને ખરેખર રાજાનું મોત થયું. સૈનિકોએ ખાળકુઈમાં પંચરંગી કીડાને ઉત્પન્ન થયેલો જોયો. તેને મારવા તલવારના ઘા કર્યા પણ જુઓ કમાલ ! આ પંચરંગી કિડો હવે મરવા તૈયાર નથી. હાથમાં ઢેખાળા, પથરા લઈને, નિશાન તાકીને મારવા શરૂ કર્યા પણ ઉસ્તાદ તે કીડો ! આમથી તેમ નાશભાગ કરે છે! ઘડીક અંદર મળમાં ગરકાવ થઈ જાય છે! પણ કોઈ પણ હિસાબે સૈનિકોના પ્રહારથી મરતો નથી.
જીવવાની તેની તીવ્ર ઈચ્છા તેની પાસે બધી જ જાતના બચવા માટેના પ્રયત્નો કરાવતી રહી છે. છેવટે થાકીને બધા સૈનિકોએ પાછાં ફરવું પડ્યું, પણ કોઈ તેને મારી તો ન જ શક્યા.
અરે ભાઈ! જે રાજાએ જાતે જ પોતાને કીડા તરીકે મારી નાંખવા જણાવેલ તે રાજા કીડો બન્યા પછી મરવા કેમ તૈયાર નથી? એમ કહેવું જ પડશે કે જીવનનું સુખ બધાને ગમે છે. જીવત્યાગ રૂપ કે મોત રૂપ દુઃખ કોઈને ય ગમતું નથી. સુખ મેળવવા મહેનત કરવાની બધાની ઈચ્છા છે, પણ દુઃખ ભૂલમાં ય આવી જાય તો તેનો ત્રાસ તેથી થ ઘણો વધારે છે!
પશુ – પક્ષીને ય દુઃખ ન ગમે, કીડા મંકોડાને પણ દુઃખ ન ગમે તો માનવને ય દુઃખ ન ગમે! અરે ! માનવે તો પોતાની તમામ બુદ્ધિ દુઃખોને દૂર કરવા તરફ વાપરી છે. તેની તમામ શોધખોળો તેના હૃદયમાં રહેલાં દુઃખ પ્રત્યેના કારમાં અણગમાને સૂચવે છે.
થીયેટર, ટી. વી. વીડિયો, કેક્યુલેટર, કમ્યુટર, રોબર્ટમાનવ, ટેલિફોન, ટેલેક્ષ, ટેલિપ્રિન્ટર વગેરે અનેક સગવડભર્યા સાધનો શોધી શકનાર આ વિજ્ઞાન હજુ સુધી માનવના દુઃખોને કેમ દૂર કરી શક્યું નહિ હોય?
લીલાંછમ ડાળી -પાંખડાં કે થડને દૂર કરવાથી વૃક્ષ દૂર ન થાય તે માટે તો તેના મૂળને જ ઉખેડવું પડે. મૂળ નીકળ્યા પછી ડાળી – પાંખડાં કે થડ શી રીતે ટકી શકે? સાક રણ ૩૩ કર્મનું કમ્યુટર ભાગ-૨ :
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |