Page Text
________________
સકંજામાંથી મુક્ત બનવાની ઈચ્છા થશે. નવા નવા કર્મો ન બંધાઈ જાય તેની કાળજી લેવાનું મન થશે. આપણા વિચારો, ઉચ્ચારો અને આચારોમાં સ્વયંભૂ પરિવર્તન આવશે. આપણને કોઈ ગુરુની પણ જરૂર નહિ પડે. આપણે આપણા ગુરુ બની શકીશું. ખોટા રાહ જતાં આપણા જીવનને સાચા રાહે આગળ વધારી શકીશું.
પરમપિતા પરમાત્માએ કર્મોની આ ભયાનકતાને બરોબર પીછાણી હતી. માટે સ્વયં સાધુજીવન સ્વીકારીને કર્મોની પરાધીનતામાંથી મુક્ત બન્યા અને આપણને પણ તેમાંથી મુક્ત બનવાનો સાચો રાહ તેમણે ચીંધ્યો.
વળી, તેમણે આ એકેન્દ્રિયાદિ જીવોની પરવશતાને પણ નિહાળી હતી. તેમની કરુણા તે જીવો પ્રત્યે પણ ઉભરાતી હતી. તેથી તેમણે આપણને સૌને ઉપદેશ આપ્યો કે કોઈપણ જીવને ત્રાસ ન આપો.
પોતાના સ્વાર્થ ખાતર પૃથ્વીના જીવોને દુઃખી ન કરો. પાણીના જીવોને ત્રાસ ન આપો. અગ્નિના જીવોને હેરાન ન કરો. વાયુના જીવોને પીડા ન આપો. વનસ્પતિને કષ્ટ ન આપો. માત્ર પોતાના સુખ, સગવડતા કે શોખને પોષવા પૃથ્યાદિ કોઈ પણ જીવોનો સંહાર ન કરો. પણ અસહાય, અબોલ આ સ્થાવર જીવોની રક્ષા કરવાનો ઉદ્યમ કરો. - ત્રસ અને સ્થાવર નામકર્મના પ્રભાવની વાતો જાણીને ત્રસ કે સ્થાવર કોઈપણ જીવોની હિંસા ન થઈ જાય તેની કાળજી લઈએ. પરાધીનતા ભરેલો સ્થાવરનો ભવ ન મળે તે માટે જીવનને ધર્મધ્યાનથી ભરીએ. ત્રપણાનો અવતાર પણ હવે ન લેવો પડે તેવા સિદ્ધભગવંત બનવાના નક્કર પ્રયત્નો કરીએ.
(૩ - ૪) સૂક્ષ્મ – બાદર નામકર્મ
આ ત્રસ અને સ્થાવર જીવોમાંથી કેટલાક જીવોને આપણે નરી આંખે જોઈ શકીએ છીએ જ્યારે કેટલાક જીવોને આપણે ભલે નરી આંખે ન જોઈ શકીએ, પણ સૂક્ષ્મદર્શકયંત્ર વડે તો જોઈ શકીએ છીએ પરંતુ આ વિશ્વમાં કેટલાક જીવો તો નરી આંખે કે સૂક્ષ્મ દર્શક યંત્ર વડે પણ જોઈ શકાતા નથી.
હકીકતમાં આત્મા તો અપી છે. તેને કોઈ રૂપ - રંગ - આકાર ન હોય. તેથી નરી આંખે કે સૂક્ષ્મદર્શકયંત્રથી કોઈ પણ આત્મા કદી પણ દેખાય જ નહિ. પરન્તુ આત્માને વળગેલા કર્મો તે આત્માને સંસારની ચારે ગતિમાં રખડાવે છે ત્યારે તે આત્માને જાત જાતના રૂપ લેવડાવે છે. રૂપી શરીરને ધારણ કરવાથી તેઓ રૂપજીવો તરીકે ઓળખાય છે. તમામ સંસારી જીવોનો કર્મો સાથેનો સંબંધ અનાદિકાળથી હોવાથી તમામ સંસારી જીવો રૂપી છે. જ
કર્મનું કમ્યુટર ભાગ-૩
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |